Ulybrıtanıanyń astanasy Londonda myńdaǵan adam Amerıka Qurama Shtattaryndaǵy Djordj Floıd esimdi qara násildi jigittiń polısıa qolynan qaza tabýyna narazylyq bildirip, sherýge shyqty. Bul týraly Qamshy tilshisi BBC-ge silteme jasap habarlaıdy. 

Olar "Djordj Floıdqa ádilettilik" degen jazýlar jazylǵan plakattardy kóterip, "násilshildikke oryn joq" dep urandatyp, kóshelerdi japty.

Narazylyq Ulybrıtanıanyń birneshe qalasyn sharpydy. Júzdegen adam Manchester qalasy men Kardıff qalasynyń ortalyǵynan júrip ótken.

– Londonda narazylyq bildirýshiler "men tynys ala almadym" degen jazýy bar plakattar ustady, – dep habarlady BBC. Bul sózdi polısıa tizesiniń astynda qaza tapqan qara násildi jigit óler aldynda aıtqan-dy.

Ulybrıtanıa polısıasy AQSH elshiliginiń mańynda 17-25 jas aralyǵyndaǵy bes adamdy qamaýǵa alǵan. Olardyń úsheýi Kovıd-19 zańyn buzǵany úshin, ekeýi polısıaǵa shabýyl jasaǵany úshin tutqyndalǵan.

Ustalǵandar polısıaǵa jaýap alý úshin qamaýda otyrǵany habarlandy.