Tımýrjan Nurymbetov Jambyl oblysy Eńbekpen qamtý jáne áleýmettik baǵdarlamalardy úılestirý basqarmasynyń basshysy qyzmetinen óz erkimen ketti dep jazady Qamshy.kz aqparat agenttigi tengrinews.kz saıtynyń deregin negizge alyp. 

Vedomstvo málimetinshe, oblys ákiminiń buıryǵymen Nurymbetov basqarma basshysy qyzmetinen óz erkimen ketti. Ol bul qyzmetke 2019 jyldyń 18 aqpanynda kelgen edi.

"Tımýrjan Nurymbetov ózin saýatty jáne bilikti maman, myqty basshy retinde kórsetti. Ashyq, eńbekqor adam. Eńbekpen qamtý jáne áleýmettik baǵdarlamalardy úılestirý basqarmasynyń basshysy qyzmetinde eshqandaı tártiptik jazaǵa tartylǵan joq", - delingen Jambyl oblysy ákimi apparatynyń basshysy Almas Mádıevtiń jaýabynda.

24 sáýirde Nurymbetovtiń ornyna ýaqytsha qyzmetke Jorabek Baýbekov keldi.

Eske salaıyq, munyń aldynda Tımýrjan Nurymbetovtiń úı qamaýyna alynǵanyhabarlanǵan edi. Jambyl oblysynyń prokýratýrasy 2019 jyldyń 26 jeltoqsanynda Antıkorrýpsıa qyzmetiniń sotqa deıingi tergeý bastaǵanyn aıtqan edi.