Mamyr aıynda eldegi jyldyq ınflásıa 6,7 paıyzdy qurady. Bul týraly UEM Statısıka komıteti habarlady. 

Azyq-túlik taýarlary 10,7 paıyzǵa, azyq-túlik emes taýarlar – 5,3 paıyzǵa, aqyly qyzmetter – 3 paıyzǵa qymbattady. 

Jyl basynan beri baǵanyń ósýine keletin bolsaq, ınflásıa bes aıda 3,7% paıyzdy qurady. Azyq-túlik taýarlary baǵasy 6,8 paıyzǵa, azyq-túlik emes taýarlar – 2,1 paıyzǵa, aqyly qyzmetter – 1,2% paıyzǵa ósti.

Jyl basynan beri qaraqumyq 14,5 paıyzǵa, jemister – 18,3 paıyzǵa, kartop – 38,4 paıyzǵa, pıaz – 38,3 paıyzǵa, sábiz – 25,4 paıyzǵa, qant – 11,6 paıyzǵa, qoı eti – 8,6 paıyzǵa, sıyr eti – 6,1 paıyzǵa, makaron ónimderi – 7,5 paıyzǵa, sút – 3,6 paıyzǵa, sary maı – 7,5 paıyzǵa qymbattady. Al, bes aıda jumyrtqa – 0,2 paıyzǵa, qyryqqabat – 27,9 paıyzǵa, tary – 1,7 paıyzǵa, kúrish –2,6 paıyzǵa arzandady.

Eger bir aıdaǵy ınflásıany qarastyratyn bolsaq, mamyrda ósim 0,5 paıyzdy qurady. Azyq-túlik taýarlary 1,2 paıyzǵa, azyq-túlikke jatpaıtyn taýarlar 0,4 paıyzǵa qymbattady, aqyly qyzmetter kerisinshe 0,3 paıyzǵa arzandady.