Ulybrıtanıa premer-mınıstri Borıs Djonson eldiń ımıgrasıalyq erejelerin ózgertip, Gonkongtaǵy mıllıondaǵan adamǵa  Birikken Koróldiktiń «azamattyǵyna jol» usynatynyn málimdedi. Bul týraly Qamshy tilshisi BBC-ge silteme jasap habarlaıdy. 

The Times gazetiniń jazýynsha, Borıs Djonson Ulybrıtanıa aımaqpen baılanysyn saqtap qalý kerek ekenin, basqa amal jasaı almaıtynyn aıtqan.

Qytaı bıligi Gonkongqa josparlaǵan zańyna qatysty synǵa qatty ushyraýda.

Beıjiń qabyldaǵan jańa zańdarǵa baılanysty Gonkongtyń kóptegen turǵyndary bostandyǵynan aıyrylýy múmkin ekenin aıtqan.

Eger Qytaı jańa zań qabyldasa, Ulybrıtanıa ol týraly ne isteý kerektigi jaıynda odaqtastary AQSH, Avstralıa sıaqty eldermen kelissóz júrgizip jatyr.

Ulybrıtanıa premer-mınıstri sársenbi kúni The Times gazetine bergen suhbatynda Qytaı zań qabyldaǵan jaǵdaıda brıtanıanyń ulttyq tólqujaty bar Gonkongtaǵy adamdar Ulybrıtanıaǵa 12 aıǵa vızasyz kire alatynyn rastaǵan. Qazir olarǵa alty aıǵa ruqsat etilgen.

Búginde Gonkongta shamamen 350 myń adamda atalǵan tólqujat bar, biraq ózge 2,6 mıllıon gonkongtyq ta osy tóljujatty ala alady.