Ótken túnde AQSH prezıdenti Donald Tramp narazylyq sherýi saldarynan Nú-Iork qalasynyń baqylaýdan shyqqanyn málimdedi. Bul týraly Qamshy tilshisi Daily Mail basylymyna silteme jasap habarlaıdy. 

Myńdaǵan adam Nú-Iork qalasynyń meri Bıll de Blazıon jarıalaǵan komendanttyq saǵatty elemeı sherýge shyqqan. Polısıa 200-den astam adamdy qamaýǵa alǵan. Qamaýǵa alynǵan adamdardyń sany tipti de ósedi dep kútilýde.

Tolqýlar jalǵasqan besinshi kúni túnde Tramp sheneýnikterdi qalany baqylaýdy qalpyna keltirý úshin federaldy úkimettiń kómegine júginýge shaqyrǵan.

"Nú-Iork qalasy tolyǵymen baqylaýdan shyqty. [De Blazıo men Kýomo] tártipsizdikti toqtatý kerek!" dep jazdy Tramp twitter paraqshasyna.

Keıinirek Nú-Iork meri de Blazıo CNN-ge zorlyq-zombylyq pen adam ólimi qaýpi týýy múmkin ekenin aıtyp, Ulttyq gvardıa jasaqtaryn ornalastyrmaý týraly sheshimdi jón dep sanaǵan.

Ol sonymen qatar seısenbi kúni keshke "sońǵy bes kúnde eń kóp polısıa kóshege shyqqanyn" rastaǵan, biraq qansha ofıser bolǵanyn aıtýdan bas tartqan.