«Universal Energy (Qazaqstan)» kompanıasy men qazaqstandyq kásipkerler Asqar Alshynbaev, Evgenıı Feld, Nurjan Bekshenov, Esenǵalı Báımenov jáne Raıymbek Batalov Covid-19 ınfeksıasymen kúrestiń aldyńǵy sapynda júrgen Almaty oblysynyń medısınalyq jáne basqa da uıymdaryna gýmanıtarlyq kómek júkterin jetkizip berdi.

Jalpy quny 100 mıllıon teńgeden astam soma turatyn kóp ret paıdalanatyn Dupont kostúmderi, ınfraqyzyl termometrler, maskalar, respıratorlar, qorǵanys kózildirikteri QHR-dan satyp alynyp, Qazaqstanǵa arnaıy reıspen ákelingen. Bul qorǵanys quraldary indetpen kúres sharalaryna tartylǵan medısınalyq jáne basqa da uıymdarǵa bólip berý úshin oblys ákimdigine tapsyryldy. Barlyq medısınalyq buıymdar men amýnısıa qytaılyq jáne eýropalyq kásiporyndarda óndirilgen, eýropalyq sapa sertıfıkattaryna ıe.

«Ásirese, QR Syrtqy ister mınıstrligine, elimizdiń Qytaıdaǵy jáne Qytaıdaǵy Qazaqstannyń elshilikterine indet kezindegi logıstıkalyq qıyndyq jaǵdaıynda bizge quraldardy jetkizýge kómek kórsetkenderi úshin alǵysymyz zor. Bul zamanaýı jeke qorǵaný quraldary bizdiń medısına mamandaryna koronavırýspen kúreste úlken kómek bolady dep senemiz», - dep atap ótti qaıyrmdylyq aksıasynyń bastamashylary.

Bul kómekti ákimdiktiń atynan oblys ákiminiń orynbasary Serik Turdalıev qabyldap aldy. Ol bıznestiń áleýmettik jaýapkershiligin berik ustanyp, osyndaı qıyn-qystaý kezeńde óńirge qoldaý bildirgen kásipkerlerge rızashylyǵyn jetkizdi. Qandaı qıyndyqty da birliktiń arqasynda jeńip shyǵatynymyzǵa senim bildirdi.

- Oblys ákimi Amandyq Ǵabbasuly Batalovtyń atynan «Universal Energy» (Qazaqstan) kompanıasynyń quryltaıshylary I Nan, Bolat Abılov pen Oraz Jandosovtardyń kórsetken qoldaýlaryna, qamqor nıetterine alǵys aıtamyz, - dedi S.Turdalıev.

Eske salsaq, «Universal Energy (Qazaqstan) kompanıasy jańartylǵan energıalyq nysandardyń qurylysymen jáne ony iske qosýmen aınalysady. Oblys aýmaǵynda atalmysh kompanıanyń «Qapshaǵaı 100 MVt» kún elektr stansasy jumys isteıdi. Oǵan qosa İle, Sarqan aýdandarynda taǵy eki stansanyń qurylysy júrip jatyr.

Almaty oblysy ákiminiń baspasóz qyzmeti