AQSH prezıdenti ákimshiligi Qytaıdyń jolaýshylar tasymaldaıtyn ushaqtarynyń 16 maýsymnan bastap Amerıkada ushýyna tyıym saldy. Bul týraly Qamshy tilshisi Reuters-ke silteme jasap habarlaıdy. 

Bul shekteýler "Air China", "China Eastern Airlines Corp", "China Southern Airlines Co", "Hainan Airlines Holding Co", "Sichuan Airlines Co" jáne "Xiamen Airlines Co" sıaqty qytaı kompanıalaryna qoldanylmaq. Tasymaldaýshy kompanıalar qazirgi ýaqytta Amerıka Qurama Shtattaryna aptasyna tórt reıspen ushady.

Reuters-tyń aqparaty boıynsha, AQSH kólik-tasymal departamenti bul qadam arqyly eki el arasyndaǵy ushýlar týraly burynnan bar kelisimdi oryndamaǵan kompanıalardy jazalamaq.

Aıta keteıik, sońǵy aılarda koronavırýs pandemıasy tóńiregindegi shıelenister jáne Beıjińniń Gonkongqa ulttyq qaýipsizdik týraly jańa zańnamany engizý josparyna baılanysty AQSH-Qytaı qarym-qatynasy nasharlaı túsken.