Otandyq BAQ salasyn damytý máselelerine arnalǵan dóńgelek ústel jıynynda Májilis depýtaty Darhan Myńbaı BAQ-tyń qoǵamdyq sanaǵa áseri týraly aıtty, dep habarlaıdy QazAqparat.

Depýtat BAQ salasynda qol jetken tabystar da barshylyq, sheshimin tappaǵan máselelerde jetkilikti ekenin aıta kele, olardyń saraptaý úshin osyndaı jıyndardyń mańyzy zor ekenin atap ótti.

– BAQ salasyndaǵy negizgi máselelerge toqtalsaq, aldymen kásibı jýrnalıserdi daıarlaý isine mán berý kerek. Olardy áýesqoı jýrnalıserden ajyrata bilý mańyzdy. Salanyń obalyn kásibı jýrnalısıkadan kórmesin desek, arnaıy JOO-lardyń, BAQ ujymdarynyń, qaýymdastyqtardyń yntymaqtastyǵyn kúsheıtý qajet. Áleýmettik jelilerdiń damýyna da kásibı jýrnalıser kóp úles qosýda. Blogerlerdiń sheberlik sabaǵyn, leksıalaryn uıymdastyrsa, durys bolar edi. Salalyq mamandandyrý úrdisin jalǵastyryp, 30 eldiń qataryna qosylý úshin salalyq jýrnalısıkanyń tynysyn ashyp, dúnıege kórshiniń kózimen qaraý, álemdi qońsynyń qulaǵymen tyńdaý ádetinen arylýymyz kerek, – dedi Darhan Myńbaı.

Sonymen qatar, depýtat memlekettik tapsyrys kólemin ulǵaıtý, ony oryndaý krıterıılerin ózgertý, elimizdiń zańdaryn tıimdi paıdalaný, sonyń ishinde aqparatqa qol jetkizý máselelerine nazar aýdardy.