Qazaqstannyń bas prokýratýrasy el azamataryn zańsyz mıntıngiler men sherýlerge shyqpaýǵa shaqyryp, eskertý jasady. Prokýratýra eskertpesinde jýyrda qoǵam narazylǵyna qaramastan qabyldanǵan beıbit jıyndar týraly zań negizge alynǵan. 

"Jańadan belgilengen tártipti buza otyryp ótkiziletin jınalystardy uıymdastyrý jáne olarǵa qatysý zańsyz bolyp tabylady jáne ákimshilik quqyq buzýshylyq týraly kodekstiń 488-baby boıynsha ákimshilik jaýaptylyqqa ákep soqtyrady (tipti 15 táýlikke qamaýǵa alýǵa deıin).

Eger bul áreketter azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zıan keltirýmen qatar júrse, qylmystyq jaýaptylyq týyndaıdy (QK-niń 400-baby).

Osyǵan baılanysty, azamattardy arandatýshylyq jasamaýǵa jáne zańsyz jarıa aksıalarǵa qatysýdan bas tartýǵa, beıbit jınalystar uıymdastyrý jáne ótkizý kezinde jańa zańnyń erejelerin múltiksiz saqtaýǵa shaqyramyz" delingen prokýratýra habarlamasynda. 

Buǵan deıin Demokratıalyq partıa qurý boıynsha bastamashyl top jetekshisi Janbolat Mamaı, Qazaqstanda ekstrımıstik dep tanylǵan "QDT" uıymnyń jetekshisi Muhtar Áblázov, tirkelmegen "Erkin qazaq" partıasynyń jetekshisi Erjan Turǵynbaı óz jaqtastaryn 6 maýsym kúni bılikke qarsy mıntıngige shyǵýǵa shaqyrǵan.