Búgin Almaty qalasynyń bas memlekettik sanıtar dárigeri Jandarbek Bekshın megopolıste koronavırýs ınfeksıasynyń tirkelý oqıǵalary áli de jalǵasyp jatqanyn aıtty.

Ótken táýlik ishinde aıqyn belgileri bar 49 oqıǵa, al bir apta ishinde – 334 oqıǵa anyqtaldy.

– Buqaralyq sharalarǵa, mıtıńterge qatysýshylar koronavırýs juqtyrýdyń epıdemıalyq tizbegin quraıdy. Osynyń saldarynan indet sizdiń úıińizge, otbasyńyzǵa taraıdy, eń aldymen balalarǵa jáne qart adamdarǵa qaýip tóndiredi. Mine, sondyqtan men buryndary Almaty qalasynyń aýmaǵynda túrli buqaralaryq sharalardy ótkizýge tyıym salý jóninde qaýly qabyldaǵan edim, – atap ótti J. Bekshın.

Qalanyń bas sanıtarlyq dárigeri barlyq qalalyqtarǵa, ásirese álsiz qart azamattarǵa jáne sozylmaly aýrýlary bar turǵyndarǵa adamdar jappaı jınalatyn jerlerden aýlaq bolýdy usynady.