Ilon Mask álemdegi eń iri ınternet-saýda dúkeni Amazon-dy "monopolıs" dep atap, ony taratýǵa shaqyrdy. Bul týraly Qamshy tilshisi Ilon Masktyń Twitter paraqshasyna silteme jasap habarlaıdy. 

Ilon Mask Twitter paraqshasynda "bul – esi aýysqan Djeff Bezos. Amazon-dy taratatyn ýaqyt keldi. Monopolıalar durys emes!" dep jazdy.

Amazon kompanıasynyń bas dırektory Djeff Bezostyń menshiginde ǵaryshqa ushatyn "Blue Origin" dep atalatyn kompanıa bar. "Blue Origin" kompanıasy Ilon Masktyń ǵarysh kemesin jasaıtyn "SpaceX" kompanıasyna básekeles.  

Alaıda Amazon kompanıasy Ilon Masktyń taratý týraly jazbasyna túsinik bergen joq.

Aıta keteıik, NASA sáýir aıynyń sońynda "SpaceX", "Blue Origin" jáne "Dynetics" kompanıalary "Artemis" baǵdarlamasynyń adam qoný júıesin jobalaý jáne salý boıynsha kelisim-shartyn jeńip alǵanyn jarıalaǵan.

Al jaqynda NASA ǵaryshkerleri Ben Bennken men Dag Herlı "SpaceX"-tiń «Dragon Dragon» ǵarysh kemesimen Halyqaralyq ǵarysh stansıasyna ushqan bolatyn.