″QAZAVTOJOL″ ″UK″AQ MO fılıalynyń qyzmetindegi sybaılas jemqorlyq táýekelderine syrtqy taldaý júrgizildi.
Bul týraly MO qoǵamdyq komýnıkasıa qyzmetiniń baspasóz ortalyǵynda ótken brıfıńte QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti basshysynyń birinshi orynbasary Serik Qanybekov habarlady.
Júrgizilgen taldaý barysynda "QAZAVTOJOL" "UK"AQ MO fılıal dırektory men onyń orynbasarlary sybaılas jemqorlyqqa qarsy shekteýler qabyldamaǵany anyqtalǵan. "Sybaılas jemqorlyqqa qarsyis-qımyl týraly" QR Zańynyń 12-baby 1-tarmaǵyna sáıkes óz ókilettikterin jeke, toptyq jáne ózge de qyzmettik emes múddelerge paıdalanýǵa ákep soǵýy múmkin is-áreketterdi jasaýǵa jol bermeý maqsatynda joǵaryda atalǵan basshylar ózine birqatar sybaılas jemqorlyqqa qarsy shekteýlerdi qabyldaıdy.
«Atalǵan fakt boıynsha biz mynadaı usynys engizdik – Zańnyń 12-babynyń talaptaryn múltiksiz oryndaý úshin fılıal dırektoryna ózi jáne óz orynbasarlarynyń sybaılas jemqorlyqqa qarsy shekteýlerdi qabyldaýyn qamtamasyz etý»,-dedi Serik Qanybekov.
Sondaı-aq, Fılıal qyzmetkerlerin jumysqa qabyldaý kezinde biliktiliktalaptarynyń buzylǵandyǵy anyqtaldy. Biliktiliktalaptarynasáıkes (Fılıal dırektorynyń13.06.2014 j. №36buıryǵymen bekitilgen), sapany baqylaý jáne jumystardy qabyldaý bóliminiń bas mamany laýazymyna arnaıy orta nemese joǵary bilimi bar, osy nemese uqsas laýazymda keminde 3 jyl jumys ótili bar tulǵa taǵaıyndalady. Alaıda, 2016 jyly JOO- aıaqtap kelgen eńbek ótili joq tulǵany jumysqa qabyldaǵan. Iaǵnı sapany baqylaý jáne jumystardy qabyldaý bóliminiń bas mamany laýazymyna Moldasheva Zlıha Rzagalıevna taǵaıyndaldy (fılıal dırektorynyń 10.06.2016 j. №10 buıryǵy).
Belgilengen biliktilik talaptaryn buzý laýazymǵa qabyldaý jáne taǵaıyndaý kezinde sybaılas jemqorlyq táýekelderiniń baryn kórsetedi. "QAZAVTOJOL" "UK"AQ MO fılıal dırektoryna tulǵalardy jumysqa qabyldaý jáne olardy qyzmetke taǵaıyndaý kezinde biliktilik talaptarynyń múltiksiz saqtalýyn qamtamasyz etý boıynsha usynys engizildi.
Sonymen qatar, memlekettik qyzmet kórsetýden zańsyz bas tartý faktileri anyqtaldy. Iaǵnı standarttyń tiziminde kórsetilgen qujattardy usynbaýmen baılanysady.
"TengeOil I Gaz" JSHS kompanıasyna "Jetibaı – Jańaózen – Kendirli – Túrkimenstan shekarasy" (13.08.2019 j. №28-01/28-02 -918 jáne 01.08.2019 j. №28-01/28-02-850 bas tartýlar) avtomobıl jolymen qıylysýdy jobalaý úshin tehnıkalyq sharttardy berýden eki ret bas tartyldy. Bul bas tartýlar standartta kózdelgen avtomobıl jolymen qıylysý orny sqemasynyń bolmaýymen dáleldengen. Alaıda, kórsetilgen sqema osy qyzmetti kórsetý úshin qajetti qujattar tizbesine kirmeıdi jáne standartta kózdelmegen.
Eger "Respýblıkalyq mańyzy bar avtomobıl joldarynyń arnalarmen, baılanys jáne elektr berý jelilerimen jáne basqa da ınjenerlik jelilermen qıylysýyna ruqsat berý" sıaqty memlekettik qyzmet túrin kórsetý úshin avtomobıl jolymen qıylysatyn jerdiń sqemasyn mindetti túrde usyný qajet bolsa, onda joǵary turǵan organnyń aldynda Memlekettik qyzmet Standartyna tıisti túzetýler engizý týraly usynysqa bastamashylyq jasaý qajet.