Qazaqstannyń eks-prezıdenti Nursultan Nazarbaevtyń jıeni Aısultan Rahat Facebook paraqshasynda prezıdent Qasym-Jomart Toqaevtyń bılikke qalaı kelgeni týraly aıtty.

Aısultan Rahattyń sózinshe, 1995 jyly AQSH-tyń arnaıy qyzmetteri ıaǵnı Ortalyq barlaý basqarmasynyń agenttikteri Qazaqstanda tóńkeris jasaý áreketin júzege asyrmaq bolǵan. Muny aıtýdy ózine "qudaı jetkizdi" deıdi ol.

Sondaı-aq Aısultan Rahat Ortalyq barlaý basqarmasynyń (OBB) agentteri Toqaevty BUU-da jumys istep júrgen kezde oǵan sıqyrlaýdy úıretip, Nursultan Nazarbaevtyń eń jaqyn jáne senimdi adamdarynyń biri bolyp ketkenin jazdy.

"Onyń basty mindeti – Reseıdiń tumsyǵynyń astynda júrip, haos jasaý, sol arqyly ony joıý bolatyn. Bul jospar 1995 jyly jasaldy. Alaıda buǵan  Aavram, Noı, Moıseı, Davıd pen Isa paıǵambarlardyń jalǵyz Qudaıy aralasty. Sóıtip AQSH-tyń josparyn kúl talqan etti. Nátıjesinde sol jaqta haos ornady." delingen jazbada.