«Chekti talap et-júldeni utyp al!» aksıasy aǵymdaǵy jyl sońyna deıin jalǵasyn tappaq. Aksıa aıasynda árbir tutynýshy satyp alynǵan taýar (jumys jáne qyzmet) úshin alynǵan kasalyq chekti, tegin mobıldi qosymsha (Wipon) arqyly jiberedi jáne telefon teńgerimine túsetin aqshalaı qarajatty utyp alý múmkindigin alady. Bul týraly SHQO aqparattyq ortalyǵynda ótken brıfıń barysynda Shyǵys Qazaqstan boıynsha memlekettik kirister departamentiniń túsindirý jumystary boıynsha basshysy Nadejda Drozdova málim etti.
Brıfıń barysynda Nadejda Drozdova BKM fıskaldyq chekteri berilmegen jaǵdaıda, tutynýshy atalǵan qosymsha (Wipon) arqyly shaǵymdana alatynyn jáne onda derek rastalǵannan keıin telefon teńgerimi aqsha qarajatymen tolyqtyrylatynyn atap ótti.
- Baǵdarlamaǵa fıskaldy chekti júkteı otyryp, 500 teńgege deıin telefon teńgerimine jedel aqshalaı syılyq oınatylady. Qosymsha arqyly chektiń málimetterin usyný jolymen taýardy, jumysty nemese qyzmetti satyp alǵandyǵyn rastaǵan kez kelgen azamat qatysa alady, - dedi Nadejda Drozdova.
Shyǵys Qazaqstan boıynsha memlekettik kirister departamentiniń túsindirý jumystary boıynsha basshysynyń aıtýynsha, kórsetilgen jumystar, qyzmetter, satyp alynǵan taýarlar úshin chekti mindetti túrde berý salyq zańnamasymen ǵana emes, sonymen qatar tutynýshylardyń quqyqtaryn qorǵaý týraly zańnamamen kózdelgen. Bul óz kezeginde chektiń bolýy belgili bir saýda núktesinde taýardy qaıtarý nemese aıyrbastaý jaǵdaıynda satyp alý boıynsha problemalardy boldyrmaýǵa múmkindik beredi.
- Eger fıskaldyq chek berilmese, onda osy qosymsha arqyly «Azamattyq baqylaý-chekti talap et!» aksıasynyń sheberinde fıskaldyq chekti bermeý deregi týraly shaǵym berýge bolady. Chektiń berilmeý deregi tirkelgen beıne bekitiledi. Barlyq jiberilgen ótinishter qaralyp, chek berilmegeni anyqtalǵan jaǵdaıda, azamat telefon teńgerimine 1000 teńge syıaqy ala alady. Habarlamalarda buzýshylyq deregi rastalǵan jáne jaýapqa tartylǵan jaǵdaıda, syıaqy tóleý jónindegi is-sharalardy júrgizý úshin avtordy (T.A.Á., JSN (BSN), baılanys aqparaty) kórsetý qajet, - dedi Nadejda Drozdova.
SHQO boıynsha 2020 jyldyń 25 mamyryna deıin chek berilmeýine baılanysty 54 shaǵym rastalǵan. Brıfıńke qatysqan Shyǵys Qazaqstan boıynsha memlekettik kirister departamentiniń túsindirý jumystary boıynsha basshysy osylaı dedi.
- Bul bir jaǵynan zańnamany saqtaýǵa, ekinshi jaǵynan óz búdjetin tolyqtyrýǵa múmkindik beredi, - dedi Nadejda Drozdova.
SHQO aqparat ortalyǵy
