Shyǵys Qazaqstandaǵy demalys oryndarynyń ıeleri 11 mamyrdan bastap týrıserdi qabyldaý úshin daıyndyq jumystaryn júrgizedi. Bul týraly SHQO aqparattyq ortalyǵynda ótken brıfıń barysynda týrızm jáne syrtqy baılanys basqarmasy basshysynyń orynbasary mindetin atqarýshy Inara Bodýkova málim etti.
Sanatorıalyq-kýrorttyq jáne emdeý-saýyqtyrý ortalyqtarynda týrıserdi qabyldaýǵa 3 maýsymnan bastap ruqsat berildi. Al 6 maýsymnan bastap jáne Úrjar aýdanynda 13 maýsymnan bastap rekreasıalyq basqa da týrızm túrleri boıynsha demalýǵa kelýshilerdi qabyldaýǵa bolady. Osy maqsatta kásipkerlerge respýblıka jáne oblystyń bas memlekettik sanıtarlyq dárigerleriniń qaýly erejeleri jetkizildi. Nysandardyń jumys algorıtmderi, demalýshylarǵa qoıylatyn talaptar túsindirildi. Brıfıńke qatysqan Inara Bodýkova osylaı dedi.
- Tamaqtaný oryndarynda kelýshilerdiń toltyrylýy jáne bir mezgilde bolýy jalpy jobalyq syıymdylyqtyń 50 paıyzynan aspaýy tıis. Týrıserdiń ortasynda 2 metr qashyqtyq saqtalýy kerek, - dedi Irına Bodýkova.
Brıfıń barysynda oblystyń memlekettik bas sanıtar dárigeri Marat Ismaılov týrıserge merzimi ótpegen (nátıjelerdi alǵan kúnnen bastap 7 kúnnen keshiktirilmeı berilgen) COVID-19 zertteýlerinen ótý nátıjeleri týraly anyqtamasy (jedel testileý, PTR zertteý) bolǵan jaǵdaıda ǵana demalýǵa ruqsat beriletinin atap ótti. Bir otbasy úshin onyń bir múshesiniń zertteý nátıjesi jetkilikti.
- Rekreasıalyq aımaqtarda demalýshy adamdar turatyn oryndarda, jalpy paıdalaný jáne adamdar kóp jınalatyn jerlerde maskalyq rejımdi jáne áleýmettik qashyqtyqty (bir otbasy múshelerin qospaǵanda, keminde eki metr) qatań saqtaýy kerek. Temirjol jáne áýe kólikteri obektilerinde profılaktıkalyq jáne epıdemıaǵa qarsy is-sharalary Qazaqstan Respýblıkasynyń Bas memlekettik sanıtarıalyq dárigeri men kóliktegi Bas memlekettik sanıtarıalyq dárigeriniń qaýlylaryna sáıkes júrgiziledi, - dedi Marat Ismaılov.
SHQO aqparat ortalyǵy
