Álem koronavırýspen kúreste taǵy bir aýyr kezeńge jetti. Beısenbide dúnıejúzi boıynsha SOVID-19 juqtyrǵany rastalǵan adamdardyń sany 7 mıllıon 360 myńnan asty. Eń kóp vırýs juqtyrǵan el AQSH-ta aýrýlar sany 2 mıllıonnan asyp túsken. Bul týraly Qamshy tilshisi Djons Hopkıns ýnıversıtetiniń statısıkasyna silteme jasap habaraıdy. 

Amerıkalyq ýnıversıtettiń málimeti boıynsha, álemde koronavırýstan qaıtys bolǵan adamdardyń sany 416 myńnan asqan. Kóz jumǵandardyń tórtten biri Qurama Shtattarda tirkelgen, atap aıtqanda onda 112 myńnan astam adam qaıtys bolǵan.

Al Qazaqstanda 13 myń 558 adamnyń koronavırýs juqtyrǵany rastalyp, 67 adam COVID-19 sebebinen kóz jumǵan.

Alaıda kóptegen sarapshylardyń pikirinshe, bul sandar shynaıy jaǵdaıdan áldeqaıda az.