Ulttyq biryńǵaı testileýdi 20 maýsym men 05 shilde aralyǵynda ótkizý josparlanyp otyr. UBT tapsyrý rásimi ózgertilmeıdi. Bul týraly Shyǵys Qazaqstan aqparattyq ortalyǵynda ótken brıfıń barysynda SHQO-daǵy bilim salasynda sapany qamtamasyz etý departamentiniń basshysy Zeınep Mahsýtov málim etti.
Departament basshysynyń aıtýynsha, koronavırýs pandemıasy saldarynan UBT tapsyrý úshin qujattar dástúrli nysanmen qatar onlaın tártibimen qabyldanǵan, bul tájirıbe ótken jyly da júzege asyrylǵan eken.
- Bıylǵy jyly 131 myń ótinish berildi. 2019-2020 oqý jylynyń sońynda oblys mektepterinde 8 204 túlek bar, onyń 84,4% (6 921 túlek) UBT tapsyrýǵa nıet bildirdi. Ereje boıynsha baǵalaý ózgermegen, mindetti jáne beıindi pánder boıynsha júrgiziledi. JOO qabyldaý rásimine jańashyldyqtar engizildi. Soǵan sáıkes oqýǵa túsýshi shektik upaı ala almasa, birinshi sesıa aıaqtalǵan ýaqyt aralyǵyna deıin aqyly bólimge oqýǵa tapsyrýǵa quqyly. Budan ári, stýdent jyl aralyǵynda test tapsyrýǵa múmkindik alady. Sondaı-aq UBT nátıjesi boıynsha sertıfıkattar qaǵaz túrinde emes, elektrondy nusqada beriledi, - dedi Zeınep Mahsýtova.
Brıfıń barysynda departament basshysy testileýge kirgizý barysynda tyıym salynǵan zatpen anyqtalǵan jáne óz ornyna «bóten tulǵany» kirgizýge talpynǵan túlek sol testileýge jiberilmeıtinin jáne aǵymdaǵy jyly UBT tapsyra almaıtynyn atap ótti.
- UBT aıaqtalǵannan keıin kúntizbelik jyldyń 25 tamyzyna deıin beınebaqylaý jazbalary taldanady, túsýshiniń tyıym salynǵan zattardy paıdalanǵany anyqtalǵan jaǵdaıda onyń UBT men bilim berý grantyn taǵaıyndaý konkýrsynyń nátıjeleri joıylady, - dedi Zeınep Mahsýtova.
Aǵymdaǵy jyly shekteý sharalarynyń kúsheıtilýine baılanysty ata-analar, pedagogter, bógde adamdar UBTÓP ǵımarattary aımaǵyna jiberilmeıdi. UBT qatysýshylar arasynda, balanyń qozǵalys jolynda, aýdıtorıalarda sary jolaqty bógettermen belgilengen 2 metr qashyqtyq saqtalady. Sanıtarlyq sharalar kúsheıtilip, talapkerler 5 túrli zalalsyzdandyrýdan ótedi. Departament basshysy osylaı deıdi.
- Osyndaı úlgidegi zararsyzdandyrý talaptarynan QR BǴM ókilderi, memlekettik komısıa músheleri jáne basqa da tulǵalar ótkiziledi. Eki metr araqashyqtyqty saqtaý úshin aýdıtorıadaǵy talapker sany azaıady. Bastysy, jergilikti atqarý organdary men QR BǴM ókilderi tarapynan túlekterdiń qaýipsizdigine baılanysty qajetti sharalar tolyq qabyldanady, - dedi Zeınep Mahsýtova.
SHQO aqparat ortalyǵy
Pikir qaldyrý