Qazaqstan Respýblıkasynyń keıbir zańnamalyq aktilerine kásipkerlik qyzmetti retteýdi jetildirý máseleleri boıynsha ózgerister men tolyqtyrýlar engizý týraly «2018 jylǵy 24 mamyrdaǵy Qazaqstan Respýblıkasy Zańynyń 73-baby negizinde 2018 jylǵy 30 shildeden bastap jyljymaıtyn múlikke quqyqtardy memlekettik tirkeý boıynsha fýnksıalar ádilet organdarynan "Azamattarǵa arnalǵan úkimet» memlekettik korporasıasyna berildi. Bul týraly SHQO aqparattyq ortalyǵynda ótken brıfıń barysynda SHQO ádilet departamenti basshysynyń orynbasary Beısembek Al-Seıt málim etti.
Beısembek Al-Seıttiń aıtýynsha, ádilet organdarynda normatıvtik-ádistemelik qamtamasyz etý, baqylaý jáne osy salada memlekettik saıasatty júrgizý jónindegi fýnksıalar saqtalǵan.
- Jyljymaıtyn múlikti tirkeý boıynsha fýnksıany Memlekettik korporasıaǵa berý: bir júıege biriktirý arqyly rásimderdiń jalpy sanynyń sanyn qysqartýǵa (ótinishti qabyldaý, qoldyń túpnusqalyǵyn tekserý, tirkeý jáne menshikti tirkeý úshin aqy tóleý), menshikti tirkeýge ketetin ýaqytty qysqartýǵa, jyljymaıtyn múlikti resimdeý jáne tirkeý kezinde azamattar men bıznes - qurylymdardyń shyǵyndaryn azaıtýǵa, jyljymaıtyn múlik salasynda barlyq qoldanystaǵy kadastrlar shoǵyrlanatyn aqparattyq júıeni qurýǵa, jyljymaıtyn múliktiń tolyq elektrondyq muraǵatyn qurýǵa septigin tıgizdi, - dedi Beısembek Al-Seıt.
Pikir qaldyrý