Ulybrıtanıadaǵy násilshildikke qarsy narazylyq bildirýshiler ózenge tastap jibergen qul saýdageriniń músinin Brıstol qalasynyń bıligi sýdan qaıta alyp shyqqan. Bul týraly Skynews jazdy.
Jergilikti bılik músindi qaýipsiz jerge ornalastyrǵanyn, keıinirek murajaı koleksıasyna jiberetinin málimdegen.
AQSH-tan bastalǵan násilshildikke qarsy narazylyqtar búkil álemdi sharpýda. Saldarynan Eýropada jáne Amerıkada otarshyldyq pen quldyqqa qatysy bar birqatar eskertkish qıratylǵan nemese alynyp tastalǵan.
Aıta keteıik, birneshe kún buryn Ulybrıtanıadaǵy demonstrasıa kezinde narazy top 17-shi ǵasyrdaǵy qul saýdageri Edvard Kolstonnyń músinin Avon ózenine tastaǵanyn habarlaǵan bolatynbyz.
Pikir qaldyrý