Elordada sońǵy kúnderi koronavırýs ınfeksıasynan tórt adam aıtys boldy, dep habarlady qala ákimdiginiń resmı saıty.

Nur-Sultan qalalyq qoǵamdyq densaýlyq saqtaý basqarmasynyń bastyǵy Sáýle Qısyqovanyń aıtýynsha, indetten kóz jumǵan marqumdardyń biri úıde ózdiginen emdelgen.

– 47 jastaǵy turǵyn eki apta boıy úıde ózi emdelgen. Ekinshi jaǵdaıda, Nur-Sultan qalasynyń turǵyny 68 jastaǵy er adam jedel járdemmen aýrýhanaǵa jetkizildi. Úshinshi jaǵdaıda BQO-nyń turǵyny, 70 jastaǵy er adam júrektiń ıshemıalyq aýrýy, arterıalyq gıpertenzıa jáne sozylmaly júrek jetkiliksizdigi dıagnozymen kardıologtyń baqylaýynda boldy. Tórtinshi jaǵdaıda 59 jastaǵy er adam, Almaty qalasynyń turǵyny ózdiginen aýrýhanaǵa júgingen. Olardyń barlyǵy jaǵdaıynyń aýyrlyǵyna baılanysty dereý jansaqtaý bólimine jatqyzyldy, – dedi S.Qısyqova.

Densaýlyq saqtaý basqarmasynyń basshysy elorda turǵyndaryna úndeý jasady.

– Koronavırýs pandemıasy artta qaldy jáne onymen baılanysty qaýip seıildi dep aıtýǵa bolmaıdy. Óıtkeni, buqaralyq sharalardyń barlyq qatysýshylary jaqyndary úshin ınfeksıanyń belsendi kózi jáne jańa ınfeksıa oshaqtarynyń paıda bolý qaýpin týǵyzady, – dedi S.Qısyqova.

Aıta keteıik, Nur-Sultanda koronavırýs pandemıasy bastalǵaly 2620 adam vırýs juqtyrǵan. Onyń 270-si balalar. 1 829 adam nemese naýqastardyń 70%-y emdelip shyqty.