Bul týraly qoǵamdyq komýnıkasıa ortalyǵynda ótken brıfıńte Mańǵystaý oblysynyń bilim basqarmasy «Daryn» qosymsha bilim ortalyǵynyń dırektory  Nesibeli  Qýatova aıtyp berdi.

QR Tuńǵysh Prezıdenti- Elbasy N.Nazarbaevtyń tapsyrmasyna sáıkes jas talanttar men kóshbasshylardy qoldaý maqsatyndaǵy «El úmiti» atty jańa bastamasyn bastady. Basty maqsat - talantty jas qazaqstandyqtardy, eń aldymen, jarqyn bolashaqta elimizdegi tirshilik ortasynyń túrli salasy -   jańa ındýstrıa, bıznes, ǵylym, medısına, bilim berý jáne memlekettik basqarýdyń kásipqoı elıtasyna kirýge tıis oqýshylar men jastardy tabý jáne olarǵa qoldaý kórsetý. Osy oraıda, álemniń básekege qabiletti eń úzdik 30 eliniń qataryna kirý úmiti jastarmen baılanysty. Osylaısha, olardyń el ishinde jáne shetelde bilim alýyna jaǵdaı jasalýda.

 «El úmiti» bastamasy aıasynda Tuńǵysh Prezıdent Qory Úkimetpen, oblys ákimdikterimen, qoǵamdyq birlestikterimen, bilim berý jeke uıymdarymen, bıznes-qaýymdastyǵymen jáne qyzyǵýshylyq bildirgen taraptarmen birlesip jumys isteýde. Osy mindetterdiń iske asyrylýyn úılestirý úshin Qordyń janynda «Elbasy akademıasy» quryldy. Ol «El úmiti» bastamasyn iske asyrýdy basqarý jónindegi operator retinde áreket etedi jáne ádistemeler, taǵylymdamalar baǵdarlamalary men granttar ázirlenedi. Osylaısha,  ár óńirde jyl saıyn aýyldar men shaǵyn qalalardan keminde 3 myń daryndy balany anyqtap, keıingi bilim berýde qoldaý kórsetetin talanttardy anyqtaý jáne qoldaý ortalyqtaryn (17 ortalyq) qurýǵa múmkindik beredi.

«Osy baǵytty barlyq oblystan daryndy balalardy anyqtaý, qoldaý úshin ortalyqtar ashyldy. Bizdiń ortalyq 2007 jyldan jumys jasap keledi. Ortalyqta El úmiti jumystary boıynsha arnaıy shtattyq birlikter qosylyp, osy baǵytta óz jumystaryn bastap ketti. «El úmiti» bastamasyn iske asyrý úshin jergilikti búdjet esebinen arnaıy qarajat qarastyrylǵan»,  – deıdi Mańǵystaý oblysynyń bilim basqarmasy «Daryn» qosymsha bilim ortalyǵy dırektory  Nesibeli  Qýatova.

«El úmiti» bastamasynyń maqsaty atap ótkendeı jas daryndylardy qoldaý bolyp tabylady. Osy maqsatta «Myń bala» ulttyq zıatkerlik olımpıadasy uıymdastyryldy.  Olımpıadanyń birinshi kezeńine 5-6 synyp oqıtyn aýyl mektepteriniń 14 myńǵa jýyq oqýshylary qatysty. Olar barlyq pán boıynsha toqsandyq jıyntyq baǵalaý qorytyndysy negizinde irikteldi. Birinshi kezeń boıynsha    300 oqýshy jeńimpaz atanǵan. Olar olımpıadanyń ekinshi kezeńine joldama aldy. Ekinshi kezeń maýsym aıynyń 25-26 kúnderi ótedi dep josparlanýda. Olımpıada 25  maýsym kúni 5 synyp oqýshylaryna,                  26 maýsym kúni 6 synyp oqýshylaryna ótedi.

Ekinshi kezeńge qatysatyn oqýshylardyń ata analarymen baılanys ornatylǵan. Olımpıadanyń ótý tártibi arnaıy habarlamalar arkyly jetkiziledi.