Túrkistanda taýǵa shyqqan oqýshylar adasyp, bir jasóspirim óli tabyldy

/image/2020/06/16/crop-39_11_774x1033_s1200.jpg

Túrkistan oblysynyń Tóle bı aýdanynda bir top oqýshy taýǵa shyǵyp, adasyp ketken. Bul týraly QR İİM TJ komıtetiniń baspasóz qyzmeti habarlady.

– Túrkistan oblysy Tóle bı aýdany Birkólik aýylynan 5 shaqyrym jerde 25 adam taýǵa shyqqan. Onyń ishinde 3 eresek adam men 22 oqýshy boldy. Keıin 9 oqýshy men 1 tárbıeshi taýdan óz betinshe túsken, al 3 oqýshy adasyp ketken. Saǵat 22:48-de tárbıeshi taýdan túsken soń bolǵan oqıǵa týraly "112" nómirine habarlaǵan, – dedi komıtettegiler.

Saǵat 23:00-de izdestirý-qutqarý jumystary bastalyp, oǵan Shymkent qalasy TJD, Túrkistan oblysy TJD, jedel járdem brıgadalary men polısıa kúshteri – barlyǵy 23 adam men 5 tehnıka jumyldyryldy.

16 maýsym kúni saǵat 00.58-de Shymkent qalasy TJD JQJ izdestirý toby 2003 jyly týǵan jasóspirimniń denesin óli kúıinde tapqan.

Sonymen qatar qutqarýshylar taýda adasyp ketken taǵy 2 oqýshyny tapqan. 

 

Qatysty tegter :

Pikir qaldyrý

Qatysty Maqalalar