Pavlodar oblysy ákiminiń orynbasary Asqat Oralov koronavırýs juqtyrǵany anyqtaldy. Bul týraly oblys ákimdiginiń baspasóz qyzmeti habarlady.

"Pavlodar oblysy ákiminiń orynbasary Asqat Oralov koronavırýs dıagnozymen aýrýhanaǵa jetkizildi. Ol dene qyzýynyń kóterilýine baılanysty test tapsyrǵan edi. Test oń nátıje kórsetti" delingen ákimdik taratqan habarlamada.

Sonymen qatar onymen baılanysta bolǵan adamdar anyqtalyp, epıdemıologıalyq tekserýler júrgizilýde. Oblys ákimdiginiń barlyq qyzmetkerleri KVI synamalaryn tapsyrdy. 

Qazirgi ýaqytta Pavlodarda vırýs juqtyrǵandar 59-ǵa jetti. 

Aıta keteıik, Qazaqstan boıynsha jalpy koronavırýs indetin juqtyrǵandar – 15 192. Onyń ishinde emdelip shyqqany – 9388, qaıtys bolǵandar – 81.