COVID-19 kóleńkeli, ylǵaldy ortada jasyrynyp, belgili bir ýaqyttan keıin adamdarǵa taǵy da juǵatyny belgili boldy. Bul týraly Qytaıda aýrýlardy baqylaý jáne aldyn-alý ortalyǵynyń basshysy, Qytaı ǵylym akademıasynyń akademıgi Gao Fý aıtty, dep jazady ria.ru.
– Vırýs kóleńkeli, ylǵaldy, salystyrmaly túrde lastanǵan ortada jasyrynatyny belgili boldy. Biz muny elestetpedik. Al belgili bir ýaqyttan keıin ol kenetten paıda bolady jáne kóptegen adamdarǵa juǵady, – deıdi Gao Fý.
Onyń aıtýynsha, Pekındegi koronavırýstyń qazirgi jańa túri mamyr aıynyń sońynda nemese maýsymnyń basynda emes, bir aı buryn bastalǵan.
"Qazirdiń ózinde kóptegen sımptomsyz tasymaldaýshylar bar. Bul jaǵdaıda qorshaǵan ortada vırýs kúrt kóbeıedi. Bul bizdiń boljamymyz, biraq qosymsha zertteýdi qajet etedi. Biraq bul epıdemıanyń aldyn alý jáne baqylaý turǵysynan eskertý bolyp tabylady", deıdi sarapshy.
Ótken táýlik ishinde Beıjińde koronavırýstyń 37 jańa jaǵdaıy anyqtaldy. 31 adamnan koronavırýs tabylǵan. Olardyń altaýy sımptomsyz tasymaldaýshy.
Pikir qaldyrý