Nazarbaevanyń Máskeýde quny 1 mlrd teńgeden asatyn páteri bary habarlandy

/image/2020/06/20/crop-2_260_1116x1984_dizayn-bez-nazvaniya.jpg

Qazaqstan senattyń eks-spıkeri, eldi 30 jylǵa jýyq úzdiksiz bılegen Nursultan Nazarbaevtyń qyzy Darıǵa Nazarbaevanyń Máskeýde elıtaly páteri bar ekeni anyqtaldy. Bul týraly reseılik The Insider basylymy jazdy.

Povar kóshesi boıyndaǵy 20-úıde ornalasqan kólemi 305 sharshy metrlik páterdiń naryqtaǵy quny 230 mln rúbl (1 mlrd 334 mln teńgege shamalas).

Páter 2006 jyly Nazarbaeva depýtat bolyp turǵan kezde satyp alynǵan. 2012 jyly páter "Faıers Treıder LTD" degen kompanıaǵa rásimdelgen. Biraq 2015 jyly Nazarbaeva jyljymaıtyn múlikti qaıtadan óz atyna jazdyrǵan. Basylym kompanıa Nazarbaevaǵa tıesili bolýy múmkin ekenin jazdy.

Portal Darıǵa Nazarbaevanyń ofshory baryn, Londonda birneshe jyljymaıtyn múlikke ıelik etetinin, onyń biri Sherlok Holms mýzeı-páteri ekenin, Máskeýde budan ózge jyljymaıtyn múlki bar ekenin atap ótken.

The Insider sondaı-aq eks-spıkerdiń áldeneshe ret kóleńkeli bıznesten shyǵýǵa, qarjy men aktıvterdi shetelde jasyrmaýǵa shaqyrǵanyn eske salǵan.

Nazarbaevanyń Máskeýde quny 1 mlrd teńgeden asatyn páteri bary habarlandy

Qatysty tegter :

Pikir qaldyrý

Qatysty Maqalalar