Koronavırýspen kúresýshi mobıldik top quryldy.

Bul týraly qoǵamdyq komýnıkasıa ortalyǵynda ótken brıfıńte Aqtaýdaǵy «Iasın» medısınalyq ortalyǵynyń bas dárigeri Altyngúl Kóptileýova málimdedi.

Qazirgi tańda koronavırýs boıynsha epıdemıologıalyq jaǵdaıǵa baılanysty Mańǵystaý oblysyndaǵy ınfeksıalyq, provızorlyq stasıonarlaryna úlken júk túsip otyr. Osyǵan oraı, barlyq emhanalarda mobıldik top quryldy. Atalǵan toptyń quramynda jalpy tájirıbeli dáriger nemese terapevt dárigerleri men  medbıkeler bar.

Aıta keteıik, búgingi tańda mobıldik toptyń músheleri basqa artyq jumystan bosatylyp, vıdeo konferensıa arqyly naýqastan kelip túsken shaǵymdar boıynsha ǵana jumys isteıdi. «Iasın» medısınalyq ortalyǵynda da mobıldik top iske kirisip ketti. Onyń sall-ortalyǵy 8775-922-2345. Bul baılanys telefony arqyly emhanaǵa tirkelip turǵan azamattar vıdeo arqyly keńes alyp, dárigerlerdiń kómegine júgine alady.

-«Eger siz boıyńyzdan tumaý men ORVI belgilerin baıqasańyz, dene qyzýyńyz kóterilse emhana janyndaǵy fıltrge habarlasa alasyz. Ol jerde dáriger shaǵymdaryńyz boıynsha sizdi qabyldap, ári qaraı ambýlatorıalyq nemese stasıonarlyq em sharalaryn usynady», - deıdi brıfıń spıkeri.

Altyngúl Kóptileýovanyń aıtýynsha, turǵyndar tegin PTR synamasyn 2 jaǵdaıda ǵana tapsyra alady:

1. Eger boıyńyzdan tumaý men ORVI-diń naqty belgileri baıqalsa;
2. KVI indetin juqtyrǵan adamdarmen baılanysta bolsańyz.