Mańǵystaý oblysyndaǵy Qaraqıa aýdanynan 30 shaqyrym jerdegi Qyzylqum múıisinde eginshilikpen aınalysyp jatqan  jeke kásipkerlerdiń egin alqabyna jolym túsip,  olardyń jumysymen jete tanysý úshin arnaıy baryp,  tanysyp qaıtqan bolatynbyz. Búginde  Qyzylqum múıisinde  eginshilikpen aınalysatyn  biraz kásipkerler bar. Jyl saıyn egin egip, jemisin jep, óz paıdalaryna jaratýdyń ózi bir ǵanıbet! Osyndaı paıdaly ispen shuǵyldanyp otyrǵandardyń biri Ibadýllaev Jaqsylyq basqaratyn "Rysbek"  sharýa qojalyǵy.  Ol kisi óz isine adal berilgen eńbekqor jan. Onyń aıtýynsha  jeke kásipkerlik sharýashylyǵymen 2005 jyldan beri aınalysyp keledi eken. Búginde  Jaqsylyq Ibadýllaev  8 adamdy jumyspen qamtyp otyr. Jalpy 32 gektar jeri bar kórinedi. Jaqsylyq aǵa  bıyl 5 gektar jerge kókónis, 2 gektar jerge júzim ekken. 4 gektar jerde jemis aǵashy egilgen. Kásipker bıyl 3 tonna órik, 10 tonna júzim, 5 tonna alma, 10 tonna - qıar óndirýdi josparlaýda eken. Búginde Ibadýllaev Jaqsylyq óz sharýashylyǵynda jańa tehnologıalardy tıimdi paıdalanyp keledi. «Terin tókse jerine, jer tileýin beredi» degendeı, eńbektiń túbi árqashan bereke bolatynyn kásipker dáleldegendeı!

Jylda tynymsyz jumys jasap óndirgen ónimderimiz eńbegińmizdi óz dárejesinde aqtap keledi. Sonyń nátıjesinde Aqtaýdaǵy «Asars»  kóterme saýda ortalyǵy men aýyl dúkenderine 100 tonnaǵa jýyq kókónis ónimderin tapsyramyz,-deıdi "Rysbek"  sharýa qojalyǵynyń basshysy Jaqsylyq Ibadýllaev. Jeke sharýashylyqta keıbir qıynshylyqtar da kezdesetinin jasyrmaǵan  dıqanshy, adal eńbektiń nany tátti bolǵanymen, eńbegi de aýyr,- dep osy joldy tańdaǵanyna ókinbeıtindigin jetkizdi.

Janymda  kásibime qol ushyn berip júrgen uldarym da ózime tartqan.Jas bolsa da  sharýashylyqty jany súıedi.Baldarymdy naǵyz eńbek adamy deı alamyn.

- Bir qıyny, sharýashylyqtyń qym-qýyt jumystarymen aınalysýǵa jergilikti turǵyndar asa yntalylyq tanyta bermeıdi.Sondyqtan shet eldiń jumys izdep kelgen azamattarynyń kómegin paıdalanamyz.Olarda da úsh-tórt aı ýaqytsha ǵana jumys jasaıdy.  Merzimderi aıaqtalǵan soń ketedi. Bul jumys naǵyz eńbekti talap etetin jumys. Sondyqtan meniń egin alqabymda  eńbekqor azamattar azamattar ǵana jumys jasaıdy ,-deıdi ol. Jaqsylyq aǵa egin sharýashylyǵymen qosa, mal sharýashylyǵymen de aınalysady eken. Ol qazir 35 shaqty iri qara   ósirýde eken.

-Tórt túliktiń ishindegi eń momyny, berekelisi – sıyr maly. Jegenin eki ese molynan qaıtaratyn jaryqtyqtyń paıdasy kóp ekenin jasyrmaımyn.  Sondyqtan búgingi tańda sút óndirýdi myqtap qolǵa aldym. Sıyr sútin kúndelikti turmysta jıi tutynamyz ǵoı. Odan maı, irimshik, qurt syndy ónimder qoldanyp otyrmyz. Búginde  35 bas jergilikti sıyrym bar. Solaı jyldan-jylǵa kóbeıe berdi degenge úmitim zor. Saýyn sıyrlarymnyń sany 5-eý. Olardyń árqaısysy kúnine 4-5  lıtrden sút beredi,-deıdi  kásirker.

 Iá, sıyrdyń eti, súti jáne terisi basqa da ónimderi kúndelikti turmysymyzda qajet etedi.Sondyqtan «Sıyr - bir úıdiń asyraýshysy»,- degen sóz beker aıtylmasa kerek. Árıne, «Eńbek etseń erinbeı,  toıady qarnyń tilenbeı» degendeı, mańdaı terimen, bilektiń kúshimen eńbek etip júrgen kásipkerlerge jaǵdaı jasalyp jatsa ǵanıbet emes pe?! Búginde eńbek etip, ter tókpeseń kún kóristiń qıyn ekeni ózderińizge málim. Sondyqtan ekken jemisińniń  rahatyn kórgen ǵajap ári tátti.

  Jaqsylyq aǵamyzǵa eńbegińizdiń jemisin kórińiz, jerińiz de keńeısin, kókónister  kóbeısin dep tilek bildiremiz.

Farıza Haıdarova