QR Prezıdenti Qasym-Jomart Toqaevtyń qatysýymen ótken Biz birgemiz atty volonterlerdiń onlaın forýmynda pandemıamen kúreste erekshe kózge túsken Shyǵys Qazaqstannyń turǵyndaryna qurmet kórsetildi.

SHQO-da «Halyq alǵysy» medaliniń ıegerlerin oblys ákimi Danıal Ahmetov quttyqtady. Marapat alǵandardyń ishinde «Qazsınk» JSHS-niń ákimshilik suraqtar boıynsha atqarýshy dırektory Andreı Lazarev te bar. Onyń yqpalymen Ana men bala ortalyǵynda, onkologıa jáne hırýrgıa ortalyǵynda, Óskemendegi 1 qalalyq aýrýhanadaǵy medısına qyzmetkerlerine azyq-túlikter men teledıdarlar tartý etildi. Sonymen qatar Rıdderdegi qalalyq aýrýhanadaǵy pýlmonologıalyq bólimshege qajetti qural-jabdyqtardy alýǵa 50 mln.teńge bólindi. Sondaı-aq «Paryz» qory jalpy quny 500 mln.teńgeni quraıtyn jedel testter alyp berdi. Esterińizge sala keteıik,atalmysh kompanıa Birgemiz qoǵamdyq qoryna qazaqstandyqtardy COVID-19 pandemıasynan qorǵaý maqsatynda 10 mln dollar aýdardy.

Kómekke muqtaj adamdarǵa Kókpekti aýdandyq máslıhatynyń depýtaty, «Muqash» JSHS-niń quryltaıshysy Nurjıhan Abdrahmanov qoldaý kórsetti. TJ kezinde ol aýdandaǵy kópbalaly jáne az qamtylǵan otbasylarǵa 720 myń teńge kóleminde kómek berdi.

– Marapattaý rásimi erekshe boldy. Osyndaı qıyn sátte birligimizdi tanyta bildik. Biz pandemıany birge jeńemiz, – dedi Nurjıhan Abdrahmanov.

Qıyn sátte áleýmettik osal topqa jatatyn 37975 shyǵysqazaqstandyqqa 50 myń teńge kóleminde materıaldyq kómek berildi. Munyń bári Nurjan Túsipovtiń jetekshiligimen jumys istep turǵan Birgemiz Shygys qoǵamdyq qorynyń qyzmetkerleri men volonterleriniń arqasy.

Lider.kz Semey volonterlik qozǵalysynyń jetekshisi Evgenıa Pavel da marapattan da kende qalǵan joq. Ol Semeıdegi volonterlerdiń jumysyn uıymdastyryp, birinshi kezekte kómekke muqtaj 300 otbasyǵa qol ushyn berdi. Sondaı-aq TJ kezinde Óskemen men Semeıdegi 15 blok bekettegi jumysty baqylaýda ustaǵan Polısıa departamentiniń patrúldik polısıa bólimshesi qyzmetiniń ınspektory Tilek Dúrmekbaevqa qurmet kórsetildi. Budan bólek Semeıdegi «SHQ REK» AQ elektr júıeleriniń sheberi Beıbit Kópjasarovtyń da eńbegi elendi. Ol basqarǵan brıgada TJ kezinde Semeı halqy men 8 blok beketti elektr jelilerimen qamtamasyz etip otyrdy.

Shemonaıha aýdanyndaǵy «Sanatorıı «Ýba» mekemesiniń bas aspazy Natalá Kolmagorova marapattaldy. Ol stasıonarda jatqan adamdardy sapaly aspen tamaqtandyrdy. Sonymen qatar «Astana» respýblıkalyq telearnasynyń menshikti tilshisi Irına Iakýnına osy qurmetke laıyq dep tanyldy.

Semeıdegi 36803 áskerı bóliminiń serjanty Arhat Ermuhamedov te kózge tústi. Ol TJ kezinde seriktesimen birge Semeı turǵyndarynyń qaýipsizdigin qadaǵalap, patrúldik-postqa jaýapty tulǵa retinde taǵaıyndaldy. 18 sáýir kúni Arhat Ermuhamedov qylmyskerdi ustady. 20 sáýirde izdeýde júrgen uryny qolǵa túsirdi.

– Qazir 24/7 rejıminde jumys isteımiz. Kóptegen dárigerler koronavırýs juqtyryp aldy. Soǵan qaramastan biz COVID-19 pandemıasy týraly barlyq azamatqa túsindirý jumystaryn júrgizip jatyrmyz. Nátıjesinde jaǵdaı turaqtalyp keledi, – dedi «Halyq alǵysy» medaliniń ıegeri, SHQO-nyń bas pýlmonology Zaǵrıpa Abdıeva.

Semeıdegi jedel járdem stansasynyń feldsheri Sergeı Onnıkov evakýasıalyq brıgada quramynda eńbek etýde. Ol jaǵdaıdyń qıyndyǵyna qaramastan áriptesterimen birge COVID-19 shaldyǵýy múmkin jáne juqtyrdy degen naýqastarmen jumys istedi.

SHQO aqparat ortalyǵy