Almaty oblysynyń bas memlekettik sanıtarlyq dárigeri Qaırat Baımuhambetov Almaty oblysynda taǵy da karantındik shekteý sharalary engiziletini týraly aıtty.

– Jınalystardy, keńesterdi, konferensıalardy, forýmdardy, semınarlardy, sıezerdi jáne adamdar kóp jınalatyn basqa da is-sharalardy ótkizýge tyıym salynady. Qoǵamdyq tamaqtandyrý obektileriniń qyzmeti 30-dan astam otyratyn oryn-jaılarda jáne 50-den astam otyratyn jazǵy alańdarda, onlaın-tapsyrystardy uıymdastyrýdy jáne jetkizýdi qospaǵanda, toqtatyla turady. Sonymen qatar, stasıonarlyq medısınalyq kómek kórsetetin densaýlyq saqtaý obektilerinde josparly emdeýge jatqyzý, sondaı-aq halyqty josparly ımmýndaýdy, júkti áıelderdi qabyldaý men skrınıngti qospaǵanda, josparly medısınalyq qyzmetterdi qabyldaý jáne kórsetý toqtatylady, – deıdi ol.

MSAK dárigerleriniń josparly qabyldaýy jáne ambýlatorıalyq-emhanalyq uıymdar dárigerleriniń josparly konsýltasıalary qashyqtan qyzmet kórsetý formatyna aýystyrylady.

– HQKO, Open Taldyqorǵan servısi, bıznes ortalyqtarynyń (saqtandyrý kompanıalary, esepshi jáne konsaltıń qyzmetteri, jyljymaıtyn múlik agenttigi, jarnama agenttikteri jáne t.b.) jumysy onlaın formatqa ótedi, – deıdi Qaırat Baımuhambetov.

Oǵan qosa onlaın-format kózdelmegen qyzmetterdi kórsetý aldyn ala jazylý arqyly, elektrondyq kezekpen, jumys kestesimen saǵat 10:00-den 16:00-ge deıin júzege asyrylatyn bolady.