Almatyda Saıran kólinen qaýipti bakterıalardyń tabylýyna baılanysty sýǵa túsýge tyıym salyndy. Bul týraly Almaly men Áýezov aýdandary ákimdiginiń áleýmettik jelidegi paraqshasynda jarıalandy.
"Almaty qalalyq "Ulttyq saraptama ortalyǵy" SHJQ RMK saraptamasyna sáıkes Saıran kóliniń shyǵys jaǵalaýynan demalýshylardyń densaýlyǵyna aıtarlyqtaı zıan keltirýi múmkin mıkroorganızmder anyqtaldy. Osy oraıda, atalǵan jaǵalaýdyń jabylǵanyn habarlaı otyryp, 2020 jyldyń 25 maýsymynan bastap sýǵa túsýge tyıym salynatynǵyn eskertemiz" delingen Almaly aýdany ákimdigi taratqan habarlamada.
Sonymen qatar, kóldiń batys jaǵalaýynda da osy bakterıalardyń tabylýyna baılanysty Áýezov aýdanynda da sýǵa túsýge tyıym salyndy.
Pikir qaldyrý