Qazaqstan Ulttyq banki Nur-Sultan qalasyna kóshirildi, dep jazady Qamshy.kz aqparat agenttigi Ulttyq banktiń baspasóz qyzmetine silteme jasap. 

"QR Prezıdenti Qasym-Jomart Toqaevtiń 2020 jylǵy 10 sáýirdegi №304 Jarlyǵyna sáıkes, Qazaqstan Ulttyq banki 2020 jyldyń 1 shildesine deıin astanaǵa kóshirildi. Ulttyq banktiń jańa mekenjaıy – Nur-Sultan qalasy, Máńgilik El kóshesi, 57 A" dep habarlady Ulttyq banktiń baspasóz qyzmeti.

Memleket basshysynyń tapsyrmasymen, Qazaqstannyń qarjy ortalyǵy – Almaty qalasyndaǵy Áıteke bı, 67 mekenjaıynda Ulttyq banktiń turaqty ókildigi ashyldy. Onyń basshysy – Ulttyq bank tóraǵasynyń orynbasary Dına Ǵalıeva.

Ókildik QR Qarjy naryǵyn retteý jáne damytý agenttigi, Qazaqstan qarjygerleri qaýymdastyǵy, qarjy naryǵynyń sýbektileri jáne halyqaralyq qarjy ınstıtýttarymen tyǵyz ózara árekettestikti jalǵastyrady.