Óskemendegi joǵary polıtehnıkalyq kolejdiń stýdenti Vadım Shagalov gaz tútikterin tekseretin ámbebap robotty oılap tapty. Bolashaqta jas ónertapqyshtyń bul ónertabysy oblys ortalyǵyndaǵy zaýyttarda is-tájirıbe júzinde qoldanylady dep josparlanýda.
Búgin atalmysh jobanyń prezentasıasy ótti. Vadım Shagalovtyń aıtýynsha, osy robottyń kómegimen gaz tútikterindegi kedergilerdi anyqtaýǵa bolady. Robotty telefon nemese noýtbýktiń kómegimen basqarýǵa múmkindik bar.
- Shyny kerek, jobaǵa aldaǵy ýaqytta birqatar tolyqtyrý engizý qajet. Robottyń elektrondy bóligin Arduino, Raspberry Pi jáne SLAMTEC sıaqty aparattyq-baǵdarlamalyq quraldardyń kómegimen jabdyqtadym. Jalpy, bul robot arqyly qoljetimsiz oryndardaǵy olqylyqtardy anyqtap, ony foto-vıdeoǵa túsirýge bolady, - dedi Vadım Shagalov.
Prezentasıa sońynda kolej dırektory Vadım Shagalovqa jyly lebizin bildirip, alǵys hatty tabys etti.
SHQO aqparat ortalyǵy
Pikir qaldyrý