Belgili estrada juldyzy, ataqty «Mýzart» tobynyń ánshisi, Sáken Maıǵazıev qazaqstandyqtardy sabyrǵa shaqyryp, kúızeliske túspeýge keńes berdi.

T.Q.Júrgenov atyndaǵy Qazaq ulttyq óner akademıasynyń shyǵarmashylyq bóliminiń kórkemdik jetekshisi Sáken Maıǵazıevtyń aıtýynsha, tutqıyldan kelgen koronavırýs derti jer betine qaýip-qater tóndirýde. Adamzatqa buryn-sońdy bolmaǵan aýyr salmaq túsirdi.

– Myna jahandy jaılaǵan pandemıa eshkimdi beıjaı qaldyryp otyrǵan joq. Jaqyndarymyz, tanystarymyz kóz aldymyzda aýyryp jatyr. Sony kórip bizdiń de júregimiz tynshymaı jatyr. Kez kelgen aýrý adamnyń kúıgelektiginen, strestten, aýyr qabyldaýdan órshıdi. Ony álemdik ǵalymdar dáleldedi, – deıdi Sáken Maıǵazıev.

Sonymen qatar, ol indettiń jer júzin úreı qursaýynda ustap otyrǵanyn aıtty. Aýrýǵa shaldyqqandar sany kún sanap ulǵaıyp, kóz jumǵandardyń qatary kóbeıdi.

– Sondyqtan kúızeliske túspeý kerek. Boıymyzdy qorqynysh pen úreıden aryltý qajet. Meılinshe kóńildi júrýge tyrysaıyq. Kerisinshe jan-jaǵymyzdaǵy jaqyndarymyzdy jubatyp, solardyń kóńilin aýlaýǵa barymyzdy salaıyq. Osy indetten aman-esen shyǵýymyzdy Alla Taǵala násip etsin. Sabyrlyq tanytaıyq. Bul qıyndyqty da eńseremiz. Bári jaqsy bolady. Barshańyzdy aýyzbirlikke, sabyrǵa shaqyramyn. Qazaq eli koronavırýsty jeńedi, – dedi Sáken Maıǵazıev.

Derekkóz: QazAqparat