Qalada ushyp júrgen tikushaqtar qazaqstandyqtardyń záresin aldy. Jelide tikushaqtardyń qala ústinen ushyp, belgisiz bir zat seýip jatqany túsirilgen vıdeo tarady, dep habarlady "Astana" telearnasy.

Keıbir jeli qoldanýshylary áýeden jándikterdi ýlap, ósimdikterdi óńdep jatyr dep boljaǵan. Basqalary muny dezınfeksıa jumystary dep sanaıdy. Al úshinshi nusqa boıynsha, atmosferada vırýs tarap jatyr eken. Qysqa vıdeolar Shymkent pen Mańǵystaý oblysynda túsirilgen degen boljam bar.

Qorǵanys mınıstrligi el ishinde tarap ketken qaýesetti joqqa shyǵardy. Vedomstvodaǵylar áýe apparattary dezınfeksıa úshin qoldanylmaıtynyn aıtty. Mınıstrlik ókilderiniń sózinshe, bul oqý-jattyǵý bolǵan. Al belgisiz zat – órt sóndirýge arnalǵan sý.