Beısenbi túnde Nú-Iorkte bolǵan atys nátıjesinde bir adam qaıtys bolyp, alty adam jaralandy. Bul týraly Qamshy tilshisi The New York Post basylymyna silteme jasap habarlaıdy.

– Atys keshki saǵat 6:45-te bastalǵan. Brýklındegi Jańa Lots dańǵylyndaǵy atys kezinde 20 jastaǵy er adam qaza taýyp, 36 jastaǵy áıel jaraqat alǵan,– dep habarlady polısıa qyzmetkerleri.

Polısıanyń málimetinshe, er adam basyna oq atylyp, al áıeldiń qolyna jáne denesine oq tıgen. Eki jábirlenýshi adam Brýkdeıl aýrýhanasyna jetkizilgen.

Taǵy bir atys keshki saǵat 10:30 shamasynda bolǵan. Brýklınniń Kanarsı qalashyǵy Shyǵys 57-shi kóshedegi H dańǵylynda 34 jastaǵy er adamnyń aıaǵyna oq tıgen,– deıdi jergilikti bılik ókilderi.

– Túngi saǵat 11 shamasynda Shyǵys Garlemde eki adam, 26 jastaǵy er adam jáne 24 jastaǵy áıel, Shyǵys 108-shi kóshesi men FDR Drive servıs jolynyń janynda atylǵan,– dep habarlady polısıa qyzmetkerleri.

Polısıanyń málimetinshe, er adam men áıeldiń aıaǵyna oq tıgen. Eki jábirlenýshi Nú-Iork-Presvıterıan Veıl Kornell medısınalyq ortalyǵyna jetkizilgen.

– Shamamen bes mınýttan keıin, 19 jastaǵy er adam Kron-Haıttaǵy Franklın dańǵylynyń janyndaǵy Lınkolnde qara tústi jol talǵamaıtyn kóliktiń ishinen kúdiktiniń jambasyna oq atqan, – deıdi polısıa qyzmetkerleri.

Jábirlenýshi Kıngz okrýginiń aýrýhanasyna jetkizilgen.

Keshki 11:30-dan keıin, Far Rokavaıda polısıanyń málimdeýinshe, 27 jastaǵy er adam jaǵajaıdyń 26-shy kóshesindegi rezıdensıanyń syrtynda atyp óltirilgen, – dep habarlady polısıa. Ony Sent-Djonnyń Epıskopaldy aýrýhanasyna aparǵan.

Juma kúni eshqandaı atysqa qatysýshy qamaýǵa alynbaǵan.

Aıta keteıik, Nú-Iork qalasyndaǵy atystar men adam ólimi ótken jyldarmen salystyrǵanda birneshe esege ósken. Muny keıbir sarapshylar násilshildikke qarsy Qurama Shtattardaǵy tolqýlar men tártipsizdikterdiń saldary ekenin aıtady.