Qazaqstannyń tanymal sport jýrnalısi jáne komentatory Dıas Omarov dúnıeden ótti.

– Dıas aǵanyń ómirden ozǵandyǵy týraly qaıǵyly habar tosynnan boldy. Óıtkeni, jasy birazǵa kelgenine qaramastan ol sporttyq ómir saltyn ustanyp jáne de aptasyna birneshe ret kóptegen dostarymen bas qosyp, súıikti fýtbolynda dop qýalaıtyn edi. №1 sporttyń kóptegen jankúıerleri ony fýtboldyń arqasynda bildi. Dıas Omarovtyń ákesi - kórnekti memleket jáne qoǵam qaıratkeri, soǵys jyldarynda eń jas saýda halyq komısary, keıinen Qazaqstan Kompartıasy Ortalyq komıtetiniń hatshysy jáne Mádenıet mınıstri bolǵan, ashqursaq balalyq shaqty bastan keshirgen İlıas Omarov balalarynyń shymyr bolyp óskendigin qalap, úlken ulyn fýtbolǵa alyp kelgen eken, – dep eske alady Qazaqstannyń sport baspasóz qyzmeti qaýymdastyǵynyń prezıdenti İlıas Omarov.

Dıas Omarov 1940 jyldyń 20 qazanynda dúnıege kelgen.

Qazirgi Ál-Farabı atyndaǵy Qazaq ulttyq ýnıversıteti fılologıa fakúltetiniń jýrnalısıka bólimshesinde bilim alǵan.

1966 jyldan Qazteleradıonyń sport komentatory bolǵan. Al 1998 jyldan «Habar» telearnasynda sport komentatory retinde jumys istegen.