Donald Tramp AQSH táýelsizdik kúninde sóılegen sózinde birneshe sózdi qate dybystap, qarsylastarynyń synyna ushyrady. Bul týraly Qamshy tilshisi The Independent basylymyna silteme jasap habarlaıdy.

Tramp baıandamasynda birneshe sózderdiń dybystalýynan qatelesken. "Totalitarianism" sózin "totalitaritism" dep qate dybystaǵan. Lınkoln jobasynyń negizin qalaýshy, prezıdenttiń aǵa keńesshisi Djordj Konýeı Tvıtterde fonetıkalyq túrde aıtylǵan sózderdi jazýǵa tyrysyp «Totalı-tarıosızm» dep jazǵan. Al, áleýmettik jelilerde "prezıdent tek sózdi aıta almaıdy emes, sonymen qatar onyń maǵynasyn túsinbeıtin sıaqty" degen pikirler aıtylǵan.

Stenford ýnıversıtetiniń saıasattaný profesory Maıkl Makfol: «Tramp fashızm men totalıtarızm sıaqty sózderdiń maǵynasyn bilmeıtini anyq. Osy sózdi jazǵandarǵa uıat. Osy sózden tazartylǵandarǵa uıat. Múmkin amerıkalyq emes prezıdenttiń 4 shilde qarsańyndaǵy sóılegen amerıkalyq sózi shyǵar" degen.

Tramp sonymen birge «Ýlıss S Grant» dep aıtýǵa tyrysyp, Amerıkanyń úshinshi prezıdenti Tomas Djeffersonnyń atyn durys dybystaı almaǵan.