Nur-Sultan qalasynyń ákimi Altaı Kólginov demalys kúnderi engizilgen 2 kúndik karantın jedel járdemge habarlasýshylar sanyn azaıtqanyn aıtty.

– 22-28 maýsym kúnderi Nur-Sultan qalasynyń jedel járdem stansasyna óte kóp adam habarlasty. Buryndary táýligine 2-2,5 myń qońyraý qabyldansa, bul kúnderi 4 300-den astam adam habarlasqan. Demalys kúnderine engizilgen eki kúndik karantınnen soń bul sandar aıtarlyqtaı tómendedi. Qazir de úsh táýlikten beri karantın rejıminde jumys istep jatyrmyz, jedel járdem stansasyna habarlasýshylar sany azaıyp, qaıtadan 2 090 qońyraýǵa deıin tústi. Biz azamattardyń jaǵdaıdy sanaly túrde túsingenin kórip otyrmyz. Bul ózińiz ben jaqyndaryńyzdyń densaýlyǵyn saqtaýǵa, dárigerlerdiń júktemesin azaıtýǵa septigin tıgizedi, – dedi elorda ákimi Ortalyq komýnıkasıalar qyzmetinde ótken brıfıńte.

Qala ákimi jedel járdem stansalarynda 110 brıgada bolsa, qazir olardyń sany 150-ge jetkenin aıtty.

Resmı derekter boıynsha, Nur-Sultanda koronavırýs ınfeksıasyn juqtyrǵan 63 adam qaıtys boldy.