Qazaqstan Respýblıkasy Mádenıet jáne sport mınıstriniń buıryǵymen rejıser Aqan Sataev Sháken Aımanov atyndaǵy «Qazaqfılm» AQ prezıdent bolyp taǵaıyndaldy.

Ujymǵa jańa basshyny Mádenıet jáne sport vıse-mınıstri Nurǵısa Dáýeshov tanystyryp, aldaǵy qyzmetine sáttilik tiledi.

Aıta keteıik, bul qyzmetti buǵan deıin Arman Asenov atqarǵan bolatyn.

Aqan Qarǵambaıuly Sataev 1971 jyly Qaraǵandy qalasynda dúnıege kelgen.

1994 jyly Almaty qalasyndaǵy T. Júrgenov atyndaǵy Qazaq ulttyq óner akademıasynyń kıno jáne televıdenıe fakúltetin támámdaǵan.

2003 jyly «Sataifilm» stýdıasynyń negizin qalap, 2007 jyly «Reketır» atty alǵashqy tolyqmetrajdy fılmin, «Adasqan» mıstıkalyq trıllerin (2009), «Aǵaıyndy» serıalyn (2009), «Lıkvıdator» psıhologıalyq dramasyn (2011), «Jaýjúrek Myń bala» tarıhı fılmin (2012) túsirgen. Sondaı-aq «Raıony» krımınaldyq dramasy men «Anaǵa aparar jol» tarıhı dramasynyń (2016), «Bıznesmeny» (2018), «Tomırıs» (2019) jáne taǵy basqa týyndylardyń rejıseri.

2014 jyly kınoındýstrıa salasynyń úzdik ókili retinde "Halyq súıiktisi" ulttyq syılyǵyna ıe boldy.

2016 jyly jas rejıserlerdi qoldaýǵa baǵyttalǵan Astana Film Found qorynyń negizin qalaǵan.