Búgin, 8 shilde kúni teatr jáne kıno akteri Darhan Daıyrbek  aýrýhanada qaıtys boldy. Bul aqparatty akter Asqar Naımantaev habarlady. 

"Qaıteıin-aı! Alysta bolyp ańyrap, jyraqta júrip jer sıpap qaldym-aý, aǵaıyn! Janym-oý, Darhan-oý, endi qaıtem! Tanystyń bárin jumyldyrsaq ta tynysyńdy asha almadyq qoı… Jan dosyń, serigiń Ulan kúndiz túni joǵyńdy joqtap, kergegińdi jetkizse de arasha bola almadyq… seniń jutar bur jutym sýyń, tereń dem alar aýań bola almadym… Terisqaqpaıdyń da qatary sógildi halqym, ony endi bútindeı almaımyn…Baqul bol!» dep jazdy Asqar Naımantaev. 

Darhan Daıyrbektiń naqty neden qaıtys bolǵany áli belgisiz. 

52 jastaǵy Darhan Daıyrbek – Almaty oblysy Raıymbek aýdanynyń týmasy. "Terisqaqpaı" ázil-syqaq teatrynyń ártisi. Ol kóptegen fılmder men serıaldarda oınaǵan. Kóbine kommedıalyq janrdaǵy fılmge túsetin.