Astana kúnine oraı Shyǵys Qazaqstanda koronavırýspen kúresip, alǵashqy shepte júrgen dárigerlerge memlekettik nagradalar berildi. Qazir dárigerler "batyrǵa" aınaldy desek qatelespespiz. Olar kún-tún demeı jumys istep, týǵan-týystaryn kórmese de naýqastardy qutqarý úshin baryn salýda.
Óńirdegi barlyq kúsh COVID-19 taralýyna jol bermeý jáne atalmysh vırýsqa shaldyqqandardy emdeýge baǵyttalyp otyr. Stasıonarlardaǵy ınfeksıalyq, provızorlyq jáne karantındik tósek sany 2 esege artty. Barlyq aýdandyq jáne qalalyq aýrýhanalarda dıagnostıka jáne zertteý jasaıtyn ıntensıvti terapıa palatalary biryńǵaı algorıtmde daıyndaldy.
Búginde balansta 50 rentgen apparaty, 196 ókpeni jasandy jeldetin qural, 15 kompúterlik tomografıa bar. Bul normatıvten 2 ese joǵary. Aldaǵy ýaqytta ókpeni jasandy demaldyratyn 50 apparat satyp alý josparlanyp otyr.
Tamyz aıynda zamanaýı talaptarǵa sáıkes jabdyqtalǵan 100 jedel járdem kóligi satyp alynady.
Qazaqstan Respýblıkasynyń prezıdenti Qasym-Jomart Toqaevtyń buıryǵymen densaýlyq saqtaý salasynda eńbek etip júrgen bizdiń oblystyń 15 dárigerine memlekettik nagradalar tabystaldy.
Dýmanbek Daýylbekov - Semeı qalalyq ınfeksıalyq aýrýhanasynyń bas sanıtar dárigeri. Ol oblysta ınfeksıa paıda bolǵan alǵashqy kúnnen bastap naýqastardy emdep, áriptesterine uıymdastyrýshylyq-ádistemelik kómek kórsetti. Semeıdegi ınfeksıalyq aýrýhanadan 400-den astam pasıent emdelip shyqty. Búginde Dýmanbek Semeıdegi 240 oryndyq úsh stasıonardyń jumys barysyn qadaǵalap otyr.
Dýmanbek Daýylbekov «Parasat» ordenine laıyq dep tanylyp, marapattaldy.
Fomıcheva Nına Alekseevna koronavırýstan 200 adam emdelip shyqqan oblystyq medısınalyq ortalyqtaǵy ınfeksıalyq bólimsheniń meńgerýshisi. 37 jyldyq eńbek tájirıbesi bar ınfeksıonıst dáriger óńir turǵyndaryna keń aýqymdy keńes berýde. Nına Fomıcheva «Qurmet» ordenimen marapattaldy.
Júnisbaeva Tóleýǵaısha Náýkebaıqyzy Úrjardaǵy aýdandyq aýrýhanada joǵary sanatty meıirbıke bolyp jumys isteıdi. Eńbek ótili 36 jyldan joǵary. Ol keıbir jaǵdaıda bilimi men is-tájirıbesiniń arqasynda dárigerdiń ornyn almastyra alady. Tóleýǵaısha Náýkebaıqyzy Úrjar aýdanyndaǵy provızorlyq stasıonardy daıyndaýǵa belsene qatysty. Osy úshin Tóleýǵaısha «Eren eńbegi úshin» medaline laıyq dep tanyldy.
Vısmer Tatána Valentınovna - Shyǵys Qazaqstan oblystyq qoǵamdyq densaýlyq saqtaý departamentiniń Shemonaıha aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń sanıtarlyq-epıdemıologıalyq qadaǵalaý bóliminiń jetekshi mamany qyzmetin atqarady. Ol qyzmet barysynda memlekettik sanıtarlyq-epıdemıologıalyq baqylaý jáne qadaǵalaý sharalaryn júrgizý jumystaryn uıymdastyrýdy, sanıtarlyq-gıgıenalyq jáne indetke qarsy aldyn alý sharalaryn júrgizýdi nátıjeli jáne maqsatty túrde qamtamasyz etedi.
Tatána Valentınovnaǵa «Eren eńbegi úshin» medali berildi.
Kýrızova Nına Evgenevna - SHQO-daǵy ana men bala ortalyǵyndaǵy balalar ınfeksıalyq bólimshesiniń meńgerýshisi. Ol óńir turǵyndaryna ınfeksıalyq aýrýlardan qalaı saqtaný kerektigi jóninde keńes berýden esh jalyqqan emes.
Nına Evgenevna únemi mamandyǵy boıynsha biliktiligin joǵarylatyp otyrady. Basty maqsat - balalardy qorǵaý.
Ol qanshama jyldar boıǵy atqarǵan qyzmeti úshin «Eren eńbegi úshin» medalimen marapattaldy.
Myrzaǵaraeva Gúlmıra Jylqamanqyzy - Shyǵys Qazaqstan oblystyq qoǵamdyq densaýlyq saqtaý departamentiniń Rıdder qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń basshysy. Ol kóp jyldyq tájirıbesiniń arqasynda indetke qarsy aldyn alý sharalaryn júrgizýdi nátıjeli jáne maqsatty túrde qamtamasyz etedi. Gúlmıra Jylqamanqyzyna jyldar boıǵy sińirgen eńbegi úshin Qazaqstan Respýblıkasynyń Qurmet gramotasy tabystaldy.
Mýratova Olga Ivanovna - jedel járdem brıgadasynyń feldsheri. Ol BLS, ACLS, PALS, PHTLS syndy halyqaralyq standarttar boıynsha naýqastarǵa kómek kórsete alady. Olga Ivanovna koronavırýstyq ınfeksıa (COVID-19) juqtyrǵan jánk oǵan shaldyǵý múmkin degen adamdarǵa baryp, medısınalyq kómek kórsetýde belsendilik tanytty. Osy úshin oǵan «Shapaǵat» medali tabystaldy.
Jaqypova Gúljan Tólegenqyzy - Semeı qalasyndaǵy juqpaly aýrýlar aýrýhanasynyń ınfeksıonıst dárigeri. Ol koronavırýstyq ınfeksıaǵa shaldyqqan jáne vırýs juqty degen kúdikpen jatqan adamdarǵa keńes berip, em jasaýda.
Gúljan Tólegenqyzy osyndaı qıyn kezeńde jan aıamaı eńbek etkeni úshin «Qurmet» ordenimen marapattaldy.
Sabaeva Anastasıa Mıhaılovna - Óskemendegi № 4 qalalyq aýrýhananyń meıirgeri. Ol koronavırýstyq ınfeksıa juqtyrǵan naýqastardy emdeý maqsatynda provızorlyq bólimshede tynbaı jumys isteýde. Anastasıa Mıhaılovnanyń bul eńbegi eleýsiz qalmady. Ol Qazaqstan Respýblıkasynyń Qurmet gramotasyn ıelendi.
Frık Nadejda Sergeevna - Semeı qalalyq jedel medısınalyq kómek kórsetý stansasynyń feldsheri. Ol teorıalyq bilimin tájirıbemen ushtastyra bilgen taptyrmas maman. Nadejda Sergeevna jastarǵa aqyl-keńes berip, jol kórsetýden jalyqqan emes. Onyń jyldar boıǵy eńbegi eskerilip, «Shapaǵat» medaline laıyq dep tanyldy.
Nechaev Ivan Georgıevıch - Shyǵys Qazaqstan oblystyq mamandandyrylǵan medısınalyq ortalyǵynyń ekinshi deńgeıli anestezıolog-reanımatolog dárigeri. Naýqastarǵa konsýltatıvtik jáne tájirıbelik kómek kórsetedi.
Eńbekqor maman retinde kózge túsken Ivan Georgıevıch Qazaqstan Respýblıkasynyń Qurmet gramotasyna ıe boldy.
Fomıcheva Nına Alekseevna - Shyǵys Qazaqstan oblystyq mamandandyrylǵan medısınalyq ortalyǵyndaǵy ınfeksıalyq bólimsheniń meńgerýshisi. Joǵary bilikti ınfeksıonıst dáriger. Óńirdegi barlyq áriptesine keńes berip, tájirıbesimen bólisedi. Óskemendegi COVID-19 shaldyqqan jáne juqtyrýy múmkin degen adamdardy emdep, keńes beredi. El amandyǵy úshin kún-tún demeı eńbek etip júrgen Nına Alekseevna «Qurmet» ordenimen marapattaldy.
Turǵanbaeva Aıgúl Málikqyzy - SHQO, Tarbaǵataı aýdandyq aýrýhanasynyń ınfeksıonıst dárigeri. Ol aýdan turǵyndaryna COVID-19 saqtaný joldaryn túsindirip, oǵan shaldyqqan naýqastarǵa kómek kórsetýde. Atalmysh pandemıamen kúresý jolynda aıanbaı ter tókeni úshin Aıgúl Málikqyzy «Eren eńbegi úshin» medalin ıelendi.
Medısına qyzmetkerlerine memlekettik nagradalaryn tabystaǵan oblys ákiminiń birinshi orynbasary Almazhan Smatlaev quttyqtaý sózinde ár dárigerdiń erligin jeke-jeke atap ótti.
- Sizder táýlik boıy ult saýlyǵy úshin aıanbaı eńbek etip jatyrsyzdar. Bul naǵyz patrıotızmniń kórinisi. Sizderdiń biliktilikterińiz ben kásibılikterińizge alǵys aıtamyz, - dedi Almasqan Smatlaev.
SHQO aqparat ortalyǵy
