Óskemendegi tıtan-magnıı kombınatynyń iske qosylǵanyna 56 jyl ǵana bolǵanyna qaramastan atalmysh kásiporyn táýelsizdik jyldarynda aıtarlyqtaı jetistikterge qol jetkizdi. Kásiporyn daǵdarysqa ushyraǵan jyldary Nursultan Nazarbaev qoldaý kórsetti.
Búginde kombınat shıkizatty óndirýden bastap qosylǵan quny joǵary ónimdi shyǵarýǵa deıin, satyly biriktirilgen álemniń iri tıtan óndirýshileriniń biri bolyp tabylady. Qazaqstandyq tıtan álem boıynsha áýe-ǵarysh kompanıalarynyń 18%, álem boıynsha 11% quraıdy.
- 1991 jyldan bastap tıtannan túrli buıymdar jasalýda. Sondaı-aq tıtandy elektr-sáýleli ádispen alý qoldanylady. Bizdiń osy kúnge deıin jetken jetistigimiz Elbasynyń esimimen tyǵyz baılanysty, - dedi «ÓTMK» AQ prezıdenti Ásem Mamýtova.
Aıta keteıik, 2000 jyly Elbasy «ÓTMK» AQ-da bolyp, sehty óz qolymen ashty. Al 2010 jyly Óskemen tıtan-magnıı kombınatyndaǵy jańa tıtan quımasy jáne qorytpa óndirisiniń qurylysy barysymen tanysty.
- Biz árbir kezeńde Tuńǵysh Prezıdenttiń qoldaýyn sezindik. Elbasy jumys barysynyń tyǵyzdyǵyna qaramastan, bizdiń kásiporynnyń máselelerin sheshýge kómek kórsetti. Biz Nursultan Nazarbaevty mereıtoıymen quttyqtaımyz. Zor densaýlyq pen uzaq ǵumyr tileımiz. Sondaı-aq eńbek ujymynyń atynan Astana kúnimen quttyqtaımyz. Nur-Sultan - qazaq qoǵamynyń birliginiń aıǵaǵy, - dedi Ásem Mamýtova.
Pikir qaldyrý