Qaraǵandyda 2021 jylǵa qaraı kómir baıytý fabrıkasy salynady, dep habarlady Indýstrıa jáne ınfraqurylymdyq damý mınıstrliginiń baspasóz qyzmeti.
Shyǵarylatyn kómir konsentratynyń negizgi tutynýshysy "YDD Corporation" JSHS Qaraǵandy feroqorytpa zaýyty bolady. Sondaı-aq ónimniń bir bóligin eksportqa shyǵarý josparlanǵan, qalǵan bóligi kompanıanyń qajettilikteri úshin shıkizat retinde paıdalanylady.
"Qazaqstannyń Damý Banki" búginde "Qaz Carbon" JSHS-ǵa kómir baıytý fabrıkasyn salý jáne modernızasıalaýǵa arnalǵan óndiris úshin 7 jyl merzimge 9 mlrd 24 mln teńge kóleminde nesıe jelisin ashqan.
Jobanyń jalpy quny – 12 mlrd teńge. Investor óz qarajaty tarapynan 3 mlrd teńge ınvestısıa saldy, onyń ishinde sheteldik ınvestısıalar bar.
Baıytý prosesi avtomattandyrylyp, óndiris basqarý ortalyǵynan operator kómegimen júrgiziledi.
Zaýyttyń qýattylyǵy saǵatyna 300 tonna nemese jylyna 1 800 000 tonnany quraıdy.
Bolashaq zaýyttyń kómir konsentratyn óndirýge Qaraǵandy oblysynyń kómiri paıdalanylady.
Jobany iske asyrý barysynda 110 turaqty jumys orny qurylmaq. Qurylysqa 500-den astam adam tartylady.
Zaýytta shoıyn jáne bolattan jasalǵan buıymdardyń 900 túrin, koks jáne jartylaı koks ónimderin óndirý kózdelýde.
