Ońtústik Qytaı teńizindegi shıelenister órshigen tusta, AQSH aımaqqa ıadrolyq bombalaýshy ushaǵyn jiberdi. Bul týraly Qamshy tilshisi Nú-Iork Taıms gazetine silteme jasap habarlaıdy.

AQSH Parakel araldaryna jaqyn jerde jattyǵýlar ótkizdi. "Vashıngton Ońtústik Qytaı teńizindegi artyp kele jatqan kúshin kórsetýge tyrysty" dep jazǵan basylym Amerıkanyń ıadrolyq qarýlar alyp júretin soǵys ushaǵynnyń daýly aımaqqa jiberilgenin málimdedi.

Qytaı aımaqtaǵy araldardy óziniń menshigi ekenin jarıalaǵannan keıin Donald Tramp Ońtústik Qytaı teńizindegi AQSH áskerı kúshterin arttyrǵan. Amerıkalyq Kásiporyndar Instıtýtynyń mamany Orıana Skylar Mastro Qytaıdyń qaıtarma áreketterine Vashıngtonnyń daıyn bolý kerektigin eskertken.

– Biz olardy Parakel mańyndaǵy teńizge jiberdik, bul qaýiptirek. Qytaı buǵan kúshpen jaýap berýi múmkin, biraq biz bul qaterdi qabyldaýǵa daıynbyz, – dedi maman.

Pentagon sheneýnikteri soǵys ushaqtaryn tasıtyn áskerı kemelerdi qorǵaý úshin konvensıalyq jáne ıadrolyq qarýdy alyp júretin "B-52 Stratofortress" bombalaýshysyn daýly aımaqqa jibergen.

Bul qazirge deıingi Qytaıdyń aımaqtaǵy yqpalyn arttyrýǵa tosqaýyl qoıýdaǵy Vashıngtonnyń sońǵy qadamy.

Buǵan deıin Ońtústik Qytaı teńizine AQSH-tyń soǵys ushaqtaryn tasıtyn áskerı kemeler jibergenin habarlaǵan bolatynbyz.