Aıtysker aqyn Aınur Tursynbaeva áleýmettik jelidegi paraqshasynda 24 saǵat ishinde azamattardan 825 apparat, 825 ottegi konsentratorynyń qarjysy jınalǵanyn jarıalady.
Ol qomaqty qarajatty jınaý úshin qaltaly azamattarǵa jalynǵanyn, qajetti jaǵdaıda óleńdetip suraǵanyn atap ótti.
– Aı̆naldyrǵan 5 kúnde 825 APPARATTYŃ qarjysyn jınap tastadyq. Ońaı̆ bolǵan joq! Ekonomıs Dáýlet Tóleýtaıuly, qoǵam belsendisi Dınara Sátjan úsheýmiz 24 saǵat telefonda otyryp jetken jetistigimiz osy boldy. Kishkene kópshik qoı̆yp jiberseńizder 1000-ǵa jetkizip tastaýymyz múmkin. Qaltaly azamattarǵa jalynyp jazdyq, óleńdetip jazdyq. Kimnen, qalaı̆ jınaǵanymyzdy aı̆typ mılaryńyzdy shiritpeı̆-aq qoıaı̆yn. Kimniń qansha bergenin de aı̆tpaı̆-aq qoıaı̆yn. Sebebi qara halyqtyń tıyndap bergeni qaltaly baı̆dyń mıllıonynan qundy, – dedi Tursynbaeva.
Onyń aıtýynsha, 125 apparat Túrkıadan búgin jetkiziledi. 700 apparat 10-15 kúnniń ishinde Qytaı̆dan ákelinedi.
– Densaýlyq saqtaý mınıstri Alekseı Soı taratýǵa kómektesetinin aı̆typ qýantyp jatyr. Aı̆tpaqshy, osy ottegi konsentratory týraly ıdeıa qaı̆dan shyqqanyn aı̆taı̆yn. Feı̆sbýkti ashsam qaptaǵan "ımandy bolsyn", ınstagramda da da sol. Vatsapta da sol. Dári-dármek izdep eńiregen halyq. "Túrkıadan deksametazon jiber, antıbıotık jiber" dep jylaǵan jurt vatsapqa tynym bermedi. Sonymen 5 mıllıon teńgeni salyp alyp, Sátjan Toqtarbaıdy ertip Stambýldan parasetomol men antıbıotık izdep shyqtyq. Men IVL men konsentrator degendi kórmek túgil estimeppin. Dárihanada kezekti turyp "mynaý ne nárse" dep suraı̆ saldym. Sóı̆tsem ókpesi qysylǵan jurtqa ottegi beretin eń qajetti dúnıe eken. "Oı̆baı̆-aý, baǵasy qansha?!" "200 myńdaı̆!" Óı̆, jurtty shybynsha qyryp bara jatqan aýrýdyń emi túkke turmaı̆tyn aqsha ǵoı̆ qursyn, osyny alaı̆yq dedim. Instagramdy bir shýlatyp 25 apparatty satyp aldym. Ertesine Qaırat Joldybaıuly habarlasyp mán-jaı̆dy bildi de aqsha jınaýdy bastap ketti.
Keshe basqa bir kásipker azamattar Qytaı̆dan 500 aparatka tapsyrys beripti dep estidik. Ne kerek 5-6 kúnniń ishinde jurttyń bári apparat izdep ketti. Qudaı̆-aý osyny alyńdar dep nege bizge erterek aı̆tpady dárigerler dep qoıam. Eń bolmasa 1 aı̆ buryn qımyldasaq qanshama adamdy aman alyp qalar ma edik. Estýimshe kóptegen naýqastar aýa jetpeı̆ tunshyǵyp bastaǵanda júrekteri qorqynyshtan jarylyp ólip ketedi eken. Aı̆naldyrǵan 3-4 bloger osynsha aqsha jınaǵanda bıznesmender Qazaqstanǵa apparatty úı̆ip tastaı̆dy ǵoı̆. Jaǵdaı̆ aýyr! Kúzde taǵy keledi deı̆di bul tajal. Qamdanaı̆yq qazaǵym!, – dep jazdy jelidegi paraqshasynda.
Buǵan deıin aıtysker aqyn prezıdent Qasym-Jomart Toqaevqa áleýmettik jelidegi paraqshasy arqyly úndeý joldaǵan. Keıinnen úndeý prezıdentke jetip, másele oń sheshimin tapqanyn aıtqan.
Pikir qaldyrý