Qazaqstan prezıdenti Q.Toqaevtyń qaýlysymen qyzmet barysynda qaıtys bolǵan eki dáriger memlekettik nagradamen marapattaldy. Bul týraly Aqordanyń resmı saıty habarlady.
Aqtóbe oblysy "Oblystyq klınıkalyq juqpaly aýrýlar aýrýhanasy" MKK bas dárigeri Qozbaǵarov Qalıhan Esbosynulyna jáne Aqmola oblysynyń densaýlyq saqtaý basqarmasy janyndaǵy "Kókshetaý qalalyq kópbeıindi aýrýhanasy" MKK bólimshe meńgerýshisi Isaev Oleg Nıkolaevıchke qaıtys bolǵannan keıin "Qazaqstannyń Eńbek Eri" ataǵy berilip, aıryqsha erekshelik belgisi – Altyn juldyz ben "Otan" ordeni tapsyryldy.
Qaýly mátininde marapat marqumdarǵa "Qazaqstan Respýblıkasyna sińirgen asa úzdik eńbegi, qyzmettik boryshyn atqarý ústinde kórsetken janqıarlyǵy úshin" berilgeni jazylǵan.
13 shildede Qazaqstan densaýlyq saqtaý mınıstrligi koronavırýstan qaıtys bolǵan medısına qyzmetkerleriniń tolyq tizimin jarıalaǵan bolatyn.
Pikir qaldyrý