Qazaqstandaǵy pnevmonıa daýynan keıin Ulybrıtanıa syrtqy ister mınıstrligi COVID-19 indeti baqylaýǵa alynǵan elderdiń jańartylǵan tizimine Qazaqstandy qospady. Sondaı-aq Qazaqstanǵa kirýge shekteý bar ekenin jetkizip, elge saparlaǵysy keletinderge keńes berdi. 

– Qazaqstan bıligi elge kirýge qatań shekteýler engizdi jáne qazirgi ýaqytta shetel azamattarynyń kópshiliginiń Qazaqstanǵa kirýine ruqsat joq, – dep jarıalanǵan nusqaýlyqta.

Jańartylǵan keńes boıynsha, Qazaqstanǵa kirgen sheteldikter 14 kún oqshaýlanatyny, sondaı-aq jergilikti bılik organdaryna baılanys málimetterin jáne sapar baǵytyn usynýy kerek ekeni eskertilgen. 

Birikken Koróldiktiń syrtqy ister mınıstrligi brıtanıalyq azamattarǵa mańyzdy halyqaralyq saparlar bolmasa, shetelge shyqpaýǵa keńes bergen.

Aqparatqa sáıkes, nusqaýlyq COVID-19 indeti baqylaýǵa alynǵan elderdi esepke alý úshin jańartylǵan.

Keńeste "Ulybrıtanıa bıligi Fransıa, Ispanıa, Germanıa jáne Japonıa sıaqty birqatar elderge baratyn azamattarǵa qarsylyq bildirmeıdi" delingen.