Qazaqstan qorǵanys mınıstriniń orynbasary Baqyt Qurmanbaev qaıtys boldy. Bul málimetti mınıstrliktegiler rastady.

Ólimniń sebebi ázirge naqty aıtylmady. Vedomstvo ókilderi keıinirek málimet berýge ýáde berdi.

Baqyt Qurmanbaev qorǵanys mınıstriniń orynbasary qyzmetine 2019 jyldyń sáýirinde taǵaıyndalǵan.

Ol 1970 jyly 21 qyrkúıekte Óskemen qalasynda dúnıege kelgen.

1993 jyly ál-Farabı atyndaǵy Qazaq memlekettik ýnıversıtetiniń fızıka fakúltetin bitirgen.

2005 jyly RF qurlyq áskerleriniń áýe shabýylyna qarsy qorǵanys áskerı akademıasynda bilim aldy. 2008 jyly Reseı Federasıasy QK Bas shtabynyń Áskerı akademıasynyń joǵary akademıalyq kýrstarynan ótti.

Ár jyldary fızıka pániniń muǵalimi, qorǵanys mınıstrliginiń shtab bastyqtary komıteti departamentiniń basqarma bastyǵy bolyp jumys istedi.

İİ dárejeli "Aıbyn" ordenimen marapattalǵan. General-maıor sheni bolǵan.

Marqumnyń artynda áıeli, eki balasy qaldy.