Qyrkúıek aıynda ýnıversıtetter pen kolej stýdentteri qashyqtan oqıtyn bolady. Bul týraly bilim jáne ǵylym mınıstri Asqat Aımaǵambetov brıfıń barysynda málimdedi.

– Stýdentter qashyqtan oqytý formatyna kóshetin bolady. "Labarotıalyq jumys júrgizetin  keıbir mamandyqtar dástúrli rejımde oqytylsa" degen usynys aıtylyp jatyr. Biz mundaı múmkindikti berýge ázirmiz. Biraq JOO-lar men kolejder qashyqtan oqytý formatynda oqýdy jalǵastyrady, – dedi Aımaǵambetov.

Sonymen qatar mınıstr birinshi qyrkúıekten bastap eldegi barlyq mektepter qashyqtan oqýǵa kóshetinin atap ótti.

Buǵan deıin densaýlyq saqtaý mınıstri Alekseı Soı qyrkúıekten bastap barlyq mektepterde oqýshylardy qashyqtan oqytýdy usynǵan.

Keıinnen úkimet basshysy Asqar Mamın densaýlyq saqtaý mınıstrliginiń usynysyn qoldap, oqýshylar birinshi toqsandy qashyqtan oqıtynyn málimdedi.