Qazaqstanda balabaqshalar áli ashylmaıdy. Bul týraly búgin ortalyq komýnıkasıalar qyzmetinde ótken brıfıń kezinde eldiń bilim jáne ǵylym mınıstri Asqat Aımaǵambetov aıtty. 

Mınıstrdiń sózinshe, balabaqshalardy ashý máselesi elde karantın merzimi aıaqtalǵan soń qarastyrylady. 

– Qazir karantındi uzartý týraly sheshim qabyldandy. Soǵan oraı, mektepke deıingi mekemeler jumys istemeıdi. Osy ýaqyt ótkennen keıin epıdemıologıalyq jaǵdaıǵa baılanysty kezekshi toptyń jumysy boıynsha sheshim qabyldanatyn bolady. Biz bul proseske belsendi qatysamyz. Balalardyń qaýipsizdigin qamtamasyz etý óte mańyzdy,– dedi Aımaǵambetov.

Buǵan deıin mektep oqýshylary men stýdentterdiń 1 qyrkúıekten bastap sabaqty onlaın oqıtyny habarlanǵan.